മലപ്പുറം: ചന്ദ്രിക ദിനപത്രവും ഔറ വിസ്റ്റയും സംയുക്തമായി സംഘടിപ്പിക്കുന്ന കൊമേഴ്സ് ആന്റ് എക്കൗണ്ടിങ് പ്രൊഫഷണല് കോഴ്സുകളിലേക്കുള്ള സ്കോളര്ഷിപ്പ് എക്സാമിനേഷന്റെ ലോഗോ പ്രകാശനം നടത്തി. ജില്ലാ പഞ്ചായത്ത് പ്രസിഡന്റ് പി.എ. ജബ്ബാര് ഹാജി പ്രകാശനം നിര്വഹിച്ചു. ജില്ലാ പഞ്ചായത്ത് വൈസ് പ്രസിഡന്റ് എ.പി. സ്മിജി അധ്യക്ഷയായി.
ചന്ദ്രിക ദിനപത്രം ഡെപ്യൂട്ടി ജനറല് മാനേജര് മുഹമ്മദ് നജീബ് ആലിക്കല്, പ്രോജക്ട് കോര്ഡിനേറ്റര് കെ. മുഹമ്മദ് അസ്്ലം, പി.എ അബ്ദുല് ഹയ്യ്, എം. ഫസലുല് ഹഖ്, ടി. ഷഹില്, പി സന്ദീപ് പ്രസംഗിച്ചു. പ്ലസ് ടു, ഡിഗ്രി കഴിഞ്ഞ വിദ്യാര്ഥികള്ക്കായി നടത്തുന്ന സ്കോളര്ഷിപ്പ് പരീക്ഷ മുഖേന ഇന്റേണ്ഷിപ്പ് ഉള്പ്പെടെയുള്ള പ്രൊഫഷണല് അക്കൗണ്ടിങ് (ഡി.എസ്.പി.എ.ടി) കോഴ്സുകളും, സി.എ, സി.എം.എ, എ.സി.സി.എ, യു.എസ്-സി.എം.എ ഉള്പ്പെടെയുള്ള പ്രൊഫഷണല് കോഴ്സുകളിലേക്കാണ് സ്കോളര്ഷിപ്പ് നല്കുന്നത്. വിജയികള്ക്ക് 25000 രൂപ വീതം ക്യാഷ് അവാര്ഡുകളും 2 കോടി സ്കോളര്ഷിപ്പും ലഭ്യമാക്കുമെന്ന് സംഘാടകര് അറിയിച്ചു.