നാസിക്: ടിസിഎസ് കമ്പനിയുടെ നാസിക്കിലെ ഓഫീസുമായി ബന്ധപ്പെട്ട ലൈംഗിക പീഡന, മതപരിവര്ത്തന കേസുകളില് ജീവനക്കാരിയായ നിദ ഖാന് രണ്ട് മാസത്തിന് ശേഷം നാസിക്കിലെ കോടതി ജാമ്യം അനുവദിച്ചു. അതേസമയം കൂട്ടുപ്രതിയായ ഡാനിഷ് ഷെയ്ഖിന്റെ ജാമ്യാപേക്ഷ തള്ളി.
ഗര്ഭിണിയാണെന്ന നിദയുടെ വെളിപ്പെടുത്തലിനെത്തുടര്ന്നാണ് അഡീഷണല് സെഷന്സ് ജഡ്ജി കെ ജി ജോഷി ജാമ്യം അനുവദിച്ചത്.
കമ്പനിയില് ലൈംഗികാതിക്രമത്തിനും മതപരമായ ബലപ്രയോഗത്തിനും തെളിവുകളുണ്ടെന്ന് പ്രോസിക്യൂഷന് കോടതിയില് പറഞ്ഞു. ഇരയെയും സഹ ജീവനക്കാരിയെയും മതം മാറ്റാന് പ്രേരിപ്പിക്കുന്നതിനായി ഡാനിഷ് ഷെയ്ഖ് ഇസ്ലാമികഗ്രന്ഥവും ബുര്ഖയും നല്കിയതായും പ്രോസിക്യൂഷന് ചൂണ്ടിക്കാട്ടി. എങ്കിലും പ്രത്യേക സാഹചര്യത്തില് കോടതി നിദ ഖാന് ജാമ്യം അനുവദിക്കുകയായിരുന്നു.