കൊച്ചി> വേണാട് എക്സ്പ്രസില് തിരക്കിനെ തുടര്ന്ന് രണ്ട് യാത്രക്കാര് കുഴഞ്ഞുവീണു.അവധി ദിനങ്ങള്ക്ക് ശേഷമുള്ള തിങ്കള് ആയതിനാല് ട്രെയിനില് വലിയ തിരക്കായിരുന്നു. കഴിഞ്ഞ ദിവസവും ഒരു യാത്രക്കാരി ട്രെയിനില് കുഴഞ്ഞുവീണിരുന്നു.

അതേസമയം, തിരക്ക് പരിഗണിച്ച് മെമു ട്രെയിന് അനുവദിക്കണമെന്ന് യാത്രക്കാര് ആവശ്യപ്പെട്ടു. നേരത്തെയും വേണാട് എക്സ്പ്രസില് സമാനസംഭവമുണ്ടായിട്ടുണ്ട്. 2022 ഏപ്രിലില് മാവേലിക്കരയില് നിന്ന് എറണാകുളത്തേക്ക് ജനറല് കോച്ചില് യാത്ര ചെയ്ത യുവതിയ്ക്ക് ദേഹാസ്വാസ്ഥ്യം ഉണ്ടായി.

ഇന്നത്തെ യാത്രയില് ഏറ്റുമാനൂര് കഴിഞ്ഞതോടെ യുവതിക്ക് അസ്വസ്ഥത ഉണ്ടാവുകയായിരുന്നു. ട്രെയിന് വൈക്കം റോഡ് സ്റ്റേഷനിലേക്ക് അടുത്തപ്പോള് ഗാര്ഡിനെ വിവരമറിയിച്ചു. അടുത്ത സ്റ്റേഷനായ പിറവം റോഡില് ട്രെയിന് നിര്ത്തി യുവതിയെ ആശുപത്രിയിലേക്ക് മാറ്റി.

ആലപ്പുഴ കണ്ണൂർ എക്സിക്യൂട്ടീവ് എക്സ്പ്രസിൽ സംഭവിക്കുന്നതിന് സമാനമായ സാഹചര്യമാണ് വേണാട് എക്സ്പ്രസിലും ഉണ്ടായിരിക്കുന്നത്. വെള്ളിയാഴ്ചകളിലും ശനിയാഴ്ചകളിലും എക്സിക്യൂട്ടീവ് ട്രെയിനിൽ എറണാകുളം മുതൽ വൻ തിരക്കാണ് അനുഭവപ്പെടാറുള്ളത്. യാത്രയ്ക്കിടെ കുഴഞ്ഞു വീഴുന്നതും മോഹാലസ്യപ്പെടുന്നതുമായ സംഭവങ്ങൾ പതിവായിരുന്നു. തിരക്കേറിയ റൂട്ടുകളിൽ റെയിൽവേ തുടരുന്ന നിസ്സംഗതയ്ക്ക് എതിരെ വലിയ പ്രതിഷേധമാണ് ഉയരുന്നത്.