തിരുവനന്തപുരം: ധാന്യം പൊടിക്കുന്നതിനിടെ യന്ത്രത്തില്‍ ഷാള്‍ കുരുങ്ങി യുവതി ദാരുണമായി മരിച്ചു.വെള്ളിയാഴ്ച ഉച്ചയ്‌ക്ക് വെഞ്ഞാറമൂട്ടിലാണ് സംഭവം.
ബീന (44) ആണ് മരിച്ചത്. യന്ത്രത്തിന്റെ ബെല്‍റ്റില്‍ കുരുങ്ങിയ യുവതിയുടെ തല അറ്റുപോയി. സംഭവം നടക്കുമ്പോള്‍ ബീനയുടെ കൂടെ രണ്ട് ജീവനക്കാരും ഉണ്ടായിരുന്നു. നിലവിളി കേട്ട് മറ്റ് ജീവനക്കാര്‍ എത്തുമ്പോഴെക്കും തലയറ്റു പോയി. വൈദ്യുതി ഓഫ് ചെയ്ത ശേഷമാണ് യുവതിയെ പുറത്തെടുക്കാനായത്.
നാലുവര്‍ഷമായി വെഞ്ഞാറമൂട്ടിലെ അരുഡിയില്‍ മില്ലിലെ ജീവനക്കാരിയാണ് ബീന. സംഭവത്തില്‍ പൊലീസ് കേസ് എടുത്ത് അന്വേഷണം ആരംഭിച്ചു.