കണ്ണൂര്‍:പരിയാരത്ത് യുവതി രണ്ട് മക്കളെയും എടുത്ത് കിണറ്റില്‍ ചാടി.ഒരു കുട്ടിയുടെയും യുവതിയുടെയും നില ഗുരുതരമാണ് .ബുധനാഴ്ച ഉച്ചയ്‌ക്ക് 12 ഓടെയാണ് സംഭവം.

ആറും നാലും വയസുള്ള കുട്ടികളുമായാണ് വീട്ടുവളപ്പിലെ കിണറ്റില്‍ യുവതി ചാടിയത്.അഗ്നിരക്ഷാ സേനയും നാട്ടുകാരും ചേര്‍ന്നാണ് യുവതിയെയും കുട്ടികളെയും കിണറ്റില്‍ നിന്ന് പുറത്തെടുത്തത്.

ഇവരെ പരിയാരം ആശുപത്രിയില്‍ പ്രവേശിപ്പിച്ചു.ഭര്‍ത്താവിന്റെ വീട്ടില്‍ താമസിച്ച് വന്ന ഇവര്‍ ഭര്‍തൃ മാതാവിനെതിരെ രണ്ട് മാസം മുമ്പ് പരിയാരം പൊലീസില്‍ പരാതിനല്‍കിയിരുന്നു. മാനസികമായി പീഡിപ്പിക്കുന്നു എന്ന് ആരോപിച്ചാണ് യുവതി പരാതി നല്‍കിയത്.എന്നാല്‍ പിന്നീട് ഇവര്‍ സംസാരിച്ച് ഒത്തുതീര്‍പ്പില്‍ എത്തിയതിനെ തുടര്‍ന്നാണ് വീണ്ടും യുവതി ഭര്‍തൃവീട്ടിലേക്ക് എത്തിയത്.