ന്യൂയോര്ക്ക്: ന്യൂയോർക്കിൽ മോഹൻ ഭഗവത് തങ്ങളെ വല്ലാതെ ആകര്ഷിച്ചുവെന്ന് യുഎസിലെ വെഞ്ച്വര് ക്യാപിറ്റലിസ്റ്റായ ആശ ജഡേജ മോട് വാനി. ഓഗസ്റ്റ് 29ന് അമേരിക്കയിലെ മാഡിസണ് സ്ക്വയറില് മോഹന് ഭാഗവത് നടത്തുന്ന അഭിസംബോധനയ്ക്ക് തൊട്ട് മുന്പ് അദ്ദേഹത്തെ കണ്ട അനുഭവം പങ്കുവെയ്ക്കുകയായിരുന്നു ആശ. ഇന്ത്യയിലെ ഏറ്റവും വലിയ സന്നദ്ധ സംഘടനയായ ആർഎസ്എസിന്റെ തലവൻ എന്ന നിലയിൽ, ഇന്ത്യയുടെ അടിസ്ഥാന തലത്തിലുള്ള സ്പന്ദനം മറ്റാരെയും പോലെ അദ്ദേഹത്തിന് അറിയാമെന്ന് ആശ എക്സില് കുറിച്ചു.
താനുമായുള്ള കൂടിക്കാഴ്ചയില് യുഎസ്-ഇന്ത്യ ബന്ധത്തിലും വിപ്ലവകരമായ പുതിയ എഐ യുഗത്തിലേക്ക് പോകാനുള്ള ഇന്ത്യൻ യുവാക്കളുടെ കരുത്തിലും അദ്ദേഹം അസാധാരണമായ ആത്മവിശ്വാസം പ്രകടിപ്പിച്ചു. നിരവധി മനോഹരമായ സംസ്കൃത ശ്ലോകങ്ങൾ ഉപയോഗിച്ച് അദ്ദേഹം നമ്മെ അഭിസംബോധന ചെയ്തു, ലോകം ഒരു വലിയ കുടുംബമാണെന്ന് ഞങ്ങളെ ബോധ്യപ്പെടുത്തിയെന്നും ആശ മോട് വാനി പറഞ്ഞു.
“ഇന്ത്യയുടെ പുരോഗതി, നമ്മുടെ ചുറ്റിലുമുള്ള മറ്റുള്ളവരുടെ പുരോഗതിയോടൊപ്പം ഉണ്ടായിരിക്കണം”. എന്ന് മോഹൻജിയെപ്പോലുള്ള പരമ്പരാഗത ഇന്ത്യക്കാർ മൂല്യങ്ങളെക്കുറിച്ച് സംസാരിക്കുമ്പോൾ അവർ അൽപ്പം സോഷ്യലിസ്റ്റുകളായി മാറിയോ എന്ന് തോന്നിപ്പോകും.
പരിസ്ഥിതി നമ്മുടേതാണ്, സുസ്ഥിര വളർച്ചയാണ് മുന്നോട്ടുള്ള ഏക വഴി, മറ്റുള്ളവരോടുള്ള ദാനധർമ്മം ഒരു ദിവ്യ നിയോഗമാണ് എന്നെല്ലാം മോഹന് ഭാഗവത് തങ്ങളോട് പറഞ്ഞതായി ആശ പറയുന്നു. .ഓഗസ്റ്റ് 29ന് മാഡിസൺ സ്ക്വയർ ഗാർഡൻ പരിപാടിക്ക് ഇപ്പോഴേ പങ്കെടുക്കാന് താല്പര്യമുള്ളവര് ടിക്കറ്റെടുത്തതോടെ മുഴുവന് ടിക്കറ്റുകളും വിറ്റുതീര്ന്നു കഴിഞ്ഞു. അദ്ദേഹത്തെ എതിർക്കുന്നവരെ അവഗണിക്കാമെന്ന് പറയുമ്പോള് ആശ ഉദ്ദേശിക്കുന്നത് ന്യൂയോര്ക്ക് മേയര് സൊഹ്റാന് മംദാനി ഉള്പ്പെടെയുള്ളവരെയാണ്. എല്ലാവരോടും സംസാരിക്കാൻ ഇഷ്ടപ്പെടുന്ന അസാധാരണമാംവിധം തുറന്ന മനസ്സുള്ള ഒരാളുമായി ചോദ്യോത്തരങ്ങൾ ആസ്വദിക്കാനും മാഡിസണ് സ്ക്വയറില് നടക്കുന്ന പരിപാടിയെക്കുറിച്ച് ആശ മോട് വാനി പറഞ്ഞു.
“അദ്ദേഹം ലളിതനും, ജ്ഞാനിയും, വിശാലഹൃദയനും, എല്ലാവരെയും ഉൾക്കൊള്ളുന്നവനും, എഐയുടെ പുതിയ യുഗത്തിലേക്ക് രാജ്യത്തെ മുന്നോട്ട് കൊണ്ടുപോകുന്നതിന് ഇന്ത്യൻ യുവാക്കളുടെ ശക്തിയിൽ ആഴത്തിൽ വിശ്വസിക്കുന്നവനുമാണ്.”- മോഹന് ഭാഗവതിനെക്കുറിച്ച് ആശ മോട് വാനി പറയുന്നു.