തിരുവനന്തപുരം : കോർപ്പറേഷൻ ഓഫീസിൽ എൽഡിഎഫ് കൗൺസിലർമാരുടെ പ്രതിഷേധം സംഘർഷത്തിൽ കലാശിച്ചതിന് പിന്നാലെ സിപിഎമ്മിനെതിരെ രൂക്ഷ വിമർശനവുമായി മേയർ അഡ്വ. വി.വി. രാജേഷ്. സിപിഎം പ്രവർത്തകർ തടഞ്ഞപ്പോൾ ‘മേയർക്ക് പിൻവാതിലിലൂടെ പൊയ്ക്കൂടാരുന്നോ” എന്ന് കടകംപളളി സുരേന്ദ്രൻ പറഞ്ഞത് ഒരു മാധ്യമ പ്രവർത്തകൻ മേയർ വി വി രാജേഷിനോട് സൂചിപ്പിച്ചതിന് കൃത്യമായ മറുപടിയും രാജേഷ് നൽകി.
”അങ്ങിനെ പിറകിലെ ഗേറ്റിലൂടെ കടക്കാൻ വേറെ ആളെ നോക്കിയാൽ മതി, മുൻപിലെ ഗെയിറ്റിലൂടെ കടക്കാനല്ലേ എന്നെ മേയറാക്കിയത്. പുറകിലത്തെ ഗെയിറ്റിലൂടെ കടക്കുന്നവരെ അവർ കണ്ടിട്ടുളളൂ, മുൻപിലത്തെ ഗെയിറ്റിലൂടെ കടക്കുന്നവരെ അവര് കണ്ടിട്ടില്ല. ഞങ്ങൾ മുൻപിലത്തെ ഗെയിറ്റിലൂടെ കടക്കുന്നവരാണ്, കടന്നില്ലേ.. അവർ മുൻപിൽ തന്നെയിരിക്കെ ദേ കടന്നിരിക്കുകയാണ് എല്ലാവരും.. അതുകൊണ്ട് അതൊക്കെ കൈയ്യിൽ വെച്ചാൽമതി, അതൊക്കേ AKG സെന്ററിൽ പോയി പറഞ്ഞാൽ മതി..“ എന്നായിരുന്നു വി വി രാജേഷിന്റെ മറുപടി.
എന്നെ ജനങ്ങൾ തെരഞ്ഞെടുത്തത് ഞനങ്ങളുടെ കാര്യം നോക്കി പ്രവർത്തിക്കാൻ വേണ്ടിയിട്ടാണ്. അതിന് വരുമ്പോഴേക്കും ഓഫീസിന് മുൻപിൽ കസേര വലിച്ചിട്ട് മുടക്കുന്നു. ഇവർക്ക് രണ്ട് സൈഡിലിരുന്ന് സമരം ചെയ്യാലോ ഞങ്ങളൊന്നും പറയില്ല. റോഡിലവര് രണ്ട് സൈഡിലും സമരം ചെയ്യുന്നു അവരുടെ സമരത്തിന് ഞങ്ങളെപ്പോഴെങ്കിലും എതിര് പറഞ്ഞിട്ടുണ്ടോ, അത് അവരുടെ സമരം ചെയ്യാനുളള അവകാശമാണ്, ഞങ്ങളതിനെ ബഹുമാനിക്കുന്നു. പക്ഷെ ഇവിടെ മേയറുടെ റൂമിൽ കയറാൻ സമ്മതിക്കില്ല എന്നൊക്കെ പറഞ്ഞാൽ അത് നടക്കില്ല. അതൊക്കെ അവിടെവെച്ചുതന്നെ അവസാനിപ്പിക്കും.
മേയറോട് ഓഫീസിൽ കയറാൻ പറ്റില്ലെന്ന് പറയാൻ ഇവർ ആരാണ്? മേയർക്ക് ഓഫീസിൽ കയറാൻ പറ്റില്ലെന്ന് പറഞ്ഞ് കസേര ഇട്ടിരിക്കാൻ ഇവരാരാണ്? ജനാധിപത്യപരമായി സമരം ചെയ്യാം. പക്ഷേ ഗുണ്ടായിസം അനുവദിക്കില്ല. എന്റെ ചെരുപ്പ് പോലും അവിടെ നഷ്ടപ്പെട്ടു. ഇവരുടെ മുദ്രാവാക്യത്തിന് കീഴടങ്ങി തിരിച്ച് പോകണമായിരുന്നോ. ഇതിന്റെ അടിസ്ഥാന പ്രശ്നം അതൊന്നുമല്ല, ഈ കുറെ നേതാക്കൻമാര് കുറെ കടകളാക്കെ വാടകക്ക് എടുത്തിട്ടുണ്ട്, പാളയത്തെ ഗുണ്ടപ്പിരിവ് നിന്നൂ അത് കിട്ടിക്കൊണ്ടിരുന്നത് ഈ പലർക്കുമാണ്, അതൊക്കെ നിന്നപ്പോൾ പട്ടിണി ആകുമെന്ന ആശങ്കയിലാണ്.
ഈ പാളയത്തെ ഗുണ്ടാപ്പിരിവ് നിർത്തിയതും, കോർപ്പറേഷന്റെ ബിൽഡിങ്ങ് എടുത്ത് പാർട്ടി ഓഫീസ് നടത്തിയത് ഒഴിപ്പിച്ചത് , അതിനുളളിൽ നിന്ന് മദ്യകുപ്പികൾ പിടിച്ചതുമൊക്കെ വലിയ ആശങ്കയാണ്. അതുകൊണ്ട് അവർ കൈവിട്ട കളി കളിക്കുകയാണ്. അത് നടക്കില്ല..ഞങ്ങൾ ചില കാര്യങ്ങൾ തീരുമാനിച്ചു തന്നെയാണ്“ എന്നും വി വി രാജേഷ് പറഞ്ഞു.