തിരുവനന്തപുരം : പശ്ചിമബംഗാളിൽ ഭരണമാറ്റം വന്നതിന് പിന്നാലെ അവിടെയുണ്ടായിരുന്ന ബംഗ്ലാദേശിക്കാർ മറ്റു പല സംസ്ഥാനങ്ങളിലേക്കും എത്തിയിട്ടുള്ളതായി റിപ്പോർട്ടുകൾ ഉണ്ടെന്ന് മേയർ വി വി രാജേഷ്.

വ്യത്യസ്ത മേഖലകളിൽ തിരുവനന്തപുരത്തും ഇവരുടെ സാന്നിധ്യമുള്ളതായി വിവരങ്ങൾ വരുന്നു. ഇത് കണ്ടെത്താനായി ലേബർ കോൺട്രർമാരുടെ യോഗം വിളിക്കുമെന്നും അദ്ദേഹം പറഞ്ഞു. അതിഥി തൊഴിലാളികളായി കേരളത്തിലേക്ക് തിരികെയെത്തിയതിൽ അക്കൂട്ടരും ഉണ്ട്. ഇത് കേരളത്തിന്റെ ആരോഗ്യമേഖലയെ അടക്കം ബാധിക്കുമെന്നും വി വി രാജേഷ് പറഞ്ഞു.

ഇത് നാടിന്റെ സുരക്ഷയുടെ പ്രശ്നമാണ്. ഇവരുടെ ഭാഗത്ത് നിന്ന് പലയിടങ്ങളിലും ക്രൂര കുറ്റകൃത്യങ്ങൾ നടന്നിട്ടുണ്ട്. ലേബർ ക്യാമ്പുകളിൽ പരിശോധന നടത്തും. രേഖകൾ പരിശോധിക്കും. ഹോട്ടലുകളിൽ അനധികൃതമായി ബംഗ്ലാദേശികൾ കടന്നു കയറിയിട്ടുണ്ടോ എന്ന് പരിശോധിക്കും

ചില സ്പാകളിൽ ബംഗ്ലാദേശി വനിതകൾ ജോലി ചെയ്യുന്നതായി വിവരം ലഭിച്ചിട്ടുണ്ട്. അതും പരിശോധിക്കും.പരിശോധനക്കായി കോർപ്പറേഷന്റെ ഹെൽത്ത് സ്ക്വാടിനെ ഉപയോഗിക്കുമെന്നും അദ്ദേഹം ചൂണ്ടിക്കാട്ടി.