കോട്ടയം മെഡിക്കല് കോളേജ് അപകടത്തില് മരിച്ച ബിന്ദുവിന്റെ മരണത്തില് ആരോഗ്യമന്ത്രിയുടേത് നിരുത്തരവാദപരമായ സമീപനമെന്ന് പ്രതിപക്ഷ നേതാവ് വി.ഡി സതീശന്. സംഭവത്തില് കുടുംബത്തെ വിളിക്കാനോ നഷ്ടപരിഹാരം നല്കാനോ സര്ക്കാര് തയാറായില്ലെന്ന് സതീശന് പറഞ്ഞു.
യുവതിയുടെ മകള് നവമിയുടെ ചികിത്സ സര്ക്കാര് ഏറ്റെടുക്കണമെന്നും ഒരാള്ക്ക് സര്ക്കാര് ജോലി നല്കണമെന്നും പ്രതിപക്ഷ നേതാവ് ആവശ്യപ്പെട്ടു. യുവതിയുടെ കുടുംബത്തിന് 25 ലക്ഷം രൂപ നഷ്ടപരിഹാരമായി നല്കണമെന്നും സതീശന് പറഞ്ഞു.
ആരോഗ്യമന്ത്രി രാജിവെക്കണമെന്നും വി ഡി സതീശന് ആവശ്യപ്പെട്ടു. കേരളത്തില് സര്ക്കാരില്ലായ്മയാണെന്നും ആരോഗ്യരംഗത്തെ മന്ത്രി വെന്റിലേറ്ററിലാക്കിയെന്നും സതീശന് കൂട്ടിച്ചേര്ത്തു.