ചെന്നൈ: ബിരിയാണി ഉപേക്ഷിച്ച് പൂർണമായും സസ്യഭക്ഷണ രീതിയിലേക്ക് മാറിയപ്പോള് ആശ്വാസമായിയെന്ന് തമിഴ് നടൻ ചിലമ്പരശൻ. .
“ബിരിയാണിയായിരുന്നു ഇഷ്ട ഭക്ഷണം. എന്നാല് ഒരു നിശ്ചിത പ്രായം കഴിഞ്ഞാല്, നമ്മള് എന്ത് കഴിച്ചാലും ശരീരത്തിന്റെ അവസ്ഥ പഴയതുപോലെ ആയിരിക്കില്ല. മുൻപ് ഞാൻ സ്ഥിരമായി നോണ്-വെജ് കഴിക്കുമായിരുന്നു. എന്നാല് ഇപ്പോള് വെജിറ്റേറിയനിലേക്ക് മാറി. മാംസാഹാരം കഴിക്കുമ്പോള് വയറിന് കനവും അസ്വസ്ഥതയും അനുഭവപ്പെടാറുണ്ട്. എന്നാല് വെജിറ്റേറിയൻ ഭക്ഷണത്തിലേക്ക് മാറിയപ്പോള് ശരീരത്തിന് വലിയ ആശ്വാസവും ഭാരക്കുറവും തോന്നുന്നു,” തമിഴ് പത്രമായ ‘ദിനമണി’ക്ക് നല്കിയ അഭിമുഖത്തിലാണ് ചിലമ്പരശന് ഇക്കാര്യം പറഞ്ഞത്.
“ഇഷ്ടമുള്ളതെല്ലാം എപ്പോഴും കഴിക്കാൻ നമുക്ക് സാധിക്കില്ല. ഒരു ഘട്ടത്തില് നമ്മള് സ്വയം നിയന്ത്രണം പാലിച്ചേ മതിയാകൂ,” ചിലമ്പരശന് പറഞ്ഞു.