ന്യൂദൽഹി: ദൽഹി വിവേക് ​​വിഹാർ പ്രദേശത്തുണ്ടായ വൻ തീപിടുത്തത്തിൽ ഒമ്പത് പേർ മരിച്ചു. മരിച്ചവരുടെ മൃതദേഹങ്ങൾ പുരുഷന്മാരെയും സ്ത്രീകളെയും തമ്മിൽ വേർതിരിച്ചറിയാൻ കഴിയാത്തവിധം കത്തിക്കരിഞ്ഞ നിലയിലാണ്. വിവേക് ​​വിഹാർ ബി ബ്ലോക്കിന്റെ മുകളിലത്തെ നിലയിലാണ് തീപിടുത്തം ഉണ്ടായത്.

ദൽഹിയിലെ ഷഹ്ദാര ജില്ലയിലെ വിവേക് ​​വിഹാറിലെ ബി ബ്ലോക്കിലുള്ള ഒരു നാലുനില കെട്ടിടത്തിന്റെ മുകളിലത്തെ നിലയിൽ ഇന്ന് പുലർച്ചെ 3 മണിയോടെയാണ് ഈ ദാരുണമായ അപകടം ഉണ്ടായത്. അകത്ത് ഒമ്പത് പേർ മരിച്ചതായി റിപ്പോർട്ടുണ്ട്.

തീപിടുത്തമുണ്ടായതായി ഇന്ന് പുലർച്ചെ 3 മണിക്ക് അഗ്നിശമന സേനയ്‌ക്ക് ഒരു കോൾ ലഭിച്ചു തുടർന്ന് നിരവധി ഫയർ എഞ്ചിനുകൾ സ്ഥലത്തെത്തി തീയണക്കാൻ ശ്രമം നടത്തി. അപകടത്തിൽപ്പെട്ട 12 മുതൽ 14 വരെ ആളുകളെ കെട്ടിടത്തിൽ നിന്ന് സുരക്ഷിതമായി ഒഴിപ്പിച്ചു.