കാസര്കോട് : വിവാഹം കഴിക്കാമെന്ന് പ്രലോഭിപ്പിച്ച് ലൈംഗികമായി ചൂഷണം ചെയ്യുകയും പത്തു ലക്ഷം രൂപയിലേറെ വാങ്ങിയെടുക്കുകയും ചെയ്തുവെന്ന യുവതിയുടെ പരാതിയില് യുവാവ് പിടിയില്. മടിക്കൈ ആലയില് ശ്രീജിത്താണ് (42) അറസ്റ്റിലായത്. വിവാഹ വാഗ്ദാനത്തില് നിന്ന് ശ്രീജിത്ത് പിന്മാറിയതോടെയാണ് യുവതി പൊലീസില് പരാതി നല്കിയത്.
ആദ്യവിവാഹബന്ധം വേര്പെടുത്തി ഒറ്റയ്ക്കു കഴിഞ്ഞിരുന്ന യുവതിയെ ഇയാള് പ്രണയം നടിച്ച് ഒപ്പം കൂട്ടുകയും പണം വാങ്ങിയെടുക്കുകയുമായിരുന്നു. വിവിധ സ്ഥലങ്ങളിലെ ഹോട്ടലുകളില് കൂട്ടിക്കൊണ്ടുപോയി പലതവണ ലൈംഗികമായി ചൂഷണം ചെയ്യുകയുമുണ്ടായി. യുവതിയുടെ പേരിലുണ്ടായിരുന്ന വീട് വില്പ്പിക്കുകയും പകരം ചെറിയ വീട് വാങ്ങിപ്പിക്കുകയും ചെയ്തു. ബാക്കി തുക തട്ടിയെടുക്കുക മാത്രമല്ല, പുതിയ വീടു പണയം വെപ്പിച്ചും തുക വാങ്ങിയെടുത്തുവെന്ന് യുവതി പരാതിയില് പറയുന്നു. ഹൊസ്ദുര്ഗ്ഗ് കോടതി പ്രതിയെ റിമാന്ഡു ചെയ്തു.