കൊച്ചി : ഹേമ കമ്മിറ്റി റിപ്പോര്‍ട്ടിന്റെ അടിസ്ഥാനത്തില്‍ കുറ്റവാളികളായ മുഴുവന്‍ പേരെയും അറസ്റ്റ് ചെയ്യണമെന്ന് ആവശ്യപ്പെട്ടും തൊഴില്‍ നിഷേധിക്കപ്പെട്ട സിനിമാ മേഖലയിലെ തൊഴിലാളികളെയും സിനിമയെയും സംരക്ഷിക്കാന്‍ സര്‍ക്കാര്‍ സത്വര നടപടികള്‍ കൈക്കൊള്ളണമെന്നാവശ്യപ്പെട്ടുകൊണ്ടും ഇന്ത്യന്‍ ഫിലിം മേക്കേഴ്‌സ് അസോസിയേഷനും ഭജസും സംയുക്തമായി നടത്തിയ വാഹന പ്രചരണ ജാഥയും പ്രതിഷേധ ധര്‍ണയും എറണാകുളത്ത് നടന്നു.
ഐ.എഫ്.എം.എ സംസ്ഥാന പ്രസിഡന്റ് സുനില്‍കുമാര്‍ കളമശ്ശേരി അധ്യക്ഷത വഹിച്ച ചടങ്ങില്‍ ഭജസ്സ് സംസ്ഥാന അധ്യക്ഷന്‍ സേതുമാധവന്‍ ഉദ്ഘാടനം നിര്‍വഹിച്ചു. ഐ.എഫ്.എം.എ ദേശീയ സെക്രട്ടറി സോളമന്‍ കുര്യന്‍, സംസ്ഥാന സെക്രട്ടറി .കൃഷ്ണകുമാര്‍,വൈസ് പ്രസിഡന്റ് ഡോക്ടര്‍ അഗസ്റ്റിന്‍, തുടങ്ങിയവര്‍ പ്രസംഗിച്ചു.
ഐ എഫ് എം എ സംസ്ഥാന ജോയിന്‍ സെക്രട്ടറി രാജേഷ് കെ ആനന്ദ് സ്വാഗതവും വൈസ് പ്രസിഡന്റ് ശശി പെരിന്തല്‍മണ്ണ കൃതജ്ഞതയും രേഖപ്പെടുത്തി. നൂറുകണക്കിന് സിനിമ പ്രവര്‍ത്തകര്‍ പങ്കെടുത്തു.