കൊച്ചി: കേരളത്തിലെ ഹിന്ദു പിന്നാക്കാവസ്ഥ പഠിക്കാന് കമ്മിഷനെ നിയമിക്കണമെന്ന് ഹിന്ദുഐക്യവേദിയുടെ ആഭിമുഖ്യത്തില് എറണാകുളത്ത് ചേര്ന്ന ഹിന്ദു നേതൃയോഗം ആവശ്യപ്പെട്ടു. എല്ലാത്തരത്തിലും അവഗണിക്കപ്പെട്ട് കിടക്കുന്ന ഹിന്ദു സമൂഹത്തിന് സാമൂഹ്യനീതി ലഭിക്കാന് ഇതാവശ്യമാണെന്നും നേതൃയോഗം അംഗീകരിച്ച പ്രമേയം ചൂണ്ടിക്കാട്ടുന്നു.
പട്ടികവര്ഗ വിഭാഗക്കാര് മതം മാറിയാല് അവര്ക്ക് ഒരു തരത്തിലുള്ള സംവരണവും നല്കാന് പാടില്ലെന്നും നേതൃയോഗം ആവശ്യപ്പെട്ടു. ഇക്കാര്യം സുപ്രീംകോടതിയും വ്യക്തമാക്കിയിട്ടുള്ളതാണ്. ഗോത്രവര്ഗക്കാരെ മതംമാറ്റുന്നത് തടയാന് ഇതാവശ്യമാണ്. ഇപ്പോള് പട്ടികജാതിയില് നിന്നും മതം മാറിയാല് സംവരണം നഷ്ടമാകുന്ന കാര്യവും പ്രമേയം ചൂണ്ടിക്കാട്ടി.
അന്യാധീനപ്പെട്ട ക്ഷേത്രസ്വത്തുക്കള് കണ്ടെത്താന് നിസാര്കമ്മിറ്റി മാതൃകയില് കമ്മിഷനെ നിയമിക്കണം. ദേവസ്വം ബോര്ഡ് പുനഃസംഘടിപ്പിക്കുമ്പോള് രാഷ്ട്രീയക്കാരെ ഒഴിവാക്കണമെന്നും യോഗം ആവശ്യപ്പെട്ടു. മത സംവരണം ഭരണഘടനാ വിരുദ്ധവും സാമൂഹ്യ അനീതിയുമാണ്. 12 ശതമാനം മുസ്ലിം സംവരണം അവസാനിപ്പിക്കണം. മറ്റ് പിന്നാക്ക ഹിന്ദുക്കള്ക്ക് ജനസംഖ്യാടിസ്ഥാനത്തില് സംവരണം നല്കണം.
ശബരിമല സ്വര്ണകൊള്ളക്കേസ് സിബിഐയെ ഏല്പ്പിക്കണം. യുവതി പ്രവേശത്തിനെതിരെ സമരം നടത്തിയവര്ക്കെതിരെയെടുത്ത കേസുകള് പിന്വലിക്കണം. അധികാരത്തിലെത്തിയ യുഡിഎഫ് ഇക്കാര്യത്തില് പിന്നോട്ട് പോവുകയാണ്. മുസ്ലിം ജനനനിരക്ക് ക്രമാതീതമായി വര്ദ്ധിക്കുന്നതും ഹിന്ദു ജനസംഖ്യാ വളര്ച്ച നെഗറ്റീവാകുന്നതും വലിയ ഭീഷണിയാണ്. ഇക്കാര്യത്തിലും സമ്മേളനം ആശങ്ക രേഖപ്പെടുത്തി.
ബംഗ്ലാദേശികളുടെ അനധികൃത കുടിയേറ്റവും അവര്ക്ക് ആധാര് ഉള്പ്പെടെയുള്ള രേഖകള് ലഭിക്കുന്നതും ആഭ്യന്തര സുരക്ഷയ്ക്ക് വലിയ ഭീഷണിയാണ്. ഇക്കാര്യത്തില് ശക്തമായ നടപടിയെടുക്കണമെന്നും സമ്മേളനം ആവശ്യപ്പെട്ടു.