മനാമ: കാന്‍സര്‍ രോഗികള്‍ക്ക് കീമോ തെറാപ്പി ചികിത്സയുടെ ഭാഗമായി മുടി കൊഴിയുമ്പോള്‍ ഉപയോഗിക്കാനായി വിഗ് ഉണ്ടാക്കുവാന്‍ ബഹ്റൈന്‍ കാന്‍സര്‍ സൊസൈറ്റിക്ക് തല്‍വര്‍ തസ്ലിം മുടി ദാനം ചെയ്തു. ബഹ്റൈനിലെ ലുലു ഹൈപ്പര്‍ മാര്‍ക്കറ്റില്‍ മര്‍ച്ചന്‍ഡൈസര്‍ ആയി ജോലി ചെയ്യുന്ന തസ്ലിം മലപ്പുറം ജില്ലയിലെ കുറ്റിപ്പുറം സ്വദേശിയാണ്.
ബഹ്റൈന്‍ കാന്‍സര്‍ സൊസൈറ്റി ട്രെഷറര്‍ യുസഫ് ഫക്രൂ, സെക്രട്ടറി ദുഅ അല്‍ഖൂര്‍, കാന്‍സര്‍ കെയര്‍ ഗ്രൂപ്പ് പ്രസിഡന്റ് ഡോ. പിവി ചെറിയാന്‍ എന്നിവര്‍ മുടി സ്വീകരിച്ചു.
ചുരുങ്ങിയത് 21 സെന്റീ മീറ്റര്‍ നീളത്തില്‍ മുടി മുറിച്ചെടുത്ത് ബഹ്റൈന്‍ കാന്‍സര്‍ സൊസൈറ്റിക്ക് ഇത്തരത്തില്‍ നല്‍കാന്‍ താല്‍പ്പര്യം ഉള്ളവര്‍ക്ക് കാന്‍സര്‍ കെയര്‍ ഗ്രൂപ്പ് ജനറല്‍ സെക്രട്ടറി കെ.ടി സലിമിനെ 33750999 എന്ന നമ്പറില്‍ ബന്ധപ്പെടാം. തികച്ചും സൗജന്യമായാണ് ബഹ്റൈന്‍ കാന്‍സര്‍ സൊസൈറ്റി കുട്ടികള്‍ അടക്കമുള്ള കാന്‍സര്‍ രോഗികള്‍ക്ക് വിഗ് നല്‍കി വരുന്നത്.
The post കാന്‍സര്‍ രോഗികള്‍ക്ക് മുടി ദാനം ചെയ്തു appeared first on Bahrain Vartha ബഹ്‌റൈൻ വാർത്ത.