ஜனநாயகக் கட்சி ஒரு சோஷலிச கட்சி கிடையாது. கம்யூனிச அரசுகளுக்கு ஆதரவையும் அது வழங்கியது இல்லை. ஆனால் பெர்னி சாண்டர்ஸ், அலெக்ஸாண்டிரியா ஒகாசியோ – கோர்டெஸ் போன்ற பெரிய தலைவர்கள் தங்களை ஜனநாயக சோஷலிசவாதிகள் என்று தங்களின் அரசியல் பார்வையை குறிப்பிட்டுள்ளனர்.

கலிஃபோர்னியா செனட்டராக பணியாற்றும் போது சாண்டர்ஸின் ‘மெடிகேர் ஃபார் ஆல் பில்’ என்ற மசோதாவை இணைந்து கமலா ஹாரிஸ் தாக்கல் செய்தார். இந்த மசோதா மருத்துவ காப்பீட்டு திட்டத்தில் அரசு மட்டுமே காப்பீடு வழங்கும் அங்கமாக மாற்றும் ஒன்றாகும். மசோதா நிறைவேற்றப்பட்டிருந்தால் மருத்துவ காப்பீட்டை வழங்கும் தனியார் நிறுவனங்கள் அதீத இழப்பை சந்தித்திருக்கும். அதன் பின்னர் அவர் எப்போதும் இதுபோன்ற திட்டங்களுக்கு ஆதரவு வழங்குவதில்லை என்று கூறினார்.

தனியார் சொத்துகளை கையகப்படுத்தும் அல்லது முடக்கும் கம்யூனிச கொள்கைகளுக்கு அவர் ஒருபோதும் ஆதரவை வழங்கியது இல்லை. சூப்பர் மார்க்கெட்டுகளில் விலைவாசி உயர்வை கட்டுப்படுத்தும் கமலாவின் திட்டம் குறித்து சமூக வலைதளங்களில் வெளியான விமர்சனங்களில் அவரை கம்யூனிஸ்ட் என்று குறிப்பிட்டுள்ளனர். எலோன் மாஸ்க் இதனை விமர்சிக்கும் போது, சூப்பர் மார்க்கெட்டுகளில் வெனிசுவேலாவைப் போன்று காலியான ‘ஷெல்ஃபுகள்’ இருக்கும் என்று கூறியிருந்தார்.

கமலா ஹாரிஸ் தன்னுடைய திட்டத்தில், உற்பத்தி விலையைக் காட்டிலும் சூப்பர் மார்க்கெட்டுகளில் கூடுதல் கட்டணம் வசூலிப்பதை விசாரிக்க வர்த்தக ஆணையத்தை நிறுவ வேண்டும் என்ற கோரிக்கையை முன்வைத்தார். இது உணவுப் பற்றாக்குறையால் திண்டாடிவரும் கியூபா மற்றும் வெனிசுவேலாவில் அதிகரித்து வரும் விலைவாசி உயர்வை கட்டுக்குள் வைக்க விடுக்கப்பட்ட வேண்டுகோளைக் காட்டிலும் கமலாவின் திட்டம் வேறுபட்டது.

ஆனால் தங்களின் நாடுகளில் இருந்து தப்பித்து வந்த மக்கள் மத்தியில் ஏற்பட்டுள்ள பயமானது அவர்களின் நாடுகளில் செயல்பாட்டில் இருந்த இதுபோன்ற கொள்கையின் விளைவால் ஏற்பட்டது.

டெக்ஸாஸில் லத்தினோ ஸ்ட்ரைக்ஃபோர்ஸ் என்ற பெயரில், லத்தினோ ரிபப்ளிகன் முகநூல் பக்கத்தை இயக்கி வரும் ட்யூக் மசாடோ, ஜனநாயகக் கட்சி வெற்றி பெற்றால் கம்யூனிசத்தின் பிடிக்குள் நாடு சென்று சென்றுவிடும் என்ற அச்சத்தை வெளிப்படுத்தியுள்ளார்.

“நாம் கவனமாக இல்லையென்றால் கியூபா, வெனிசுவேலாவைப் போன்று மாறிவிடுவோம். அவர்களின் இலக்கானது முதலாளித்துவத்தை ஒழிக்க வேண்டும் என்பது தான்,” என்று குறிப்பிட்டார்.

அமெரிக்காவை ஜனநாயகக் கட்சியினர் கம்யூனிஸ்ட் தேசமாக மாற்றிவிடுவார்கள் என்ற அச்சத்தை மக்கள் மத்தியில் பரப்புவது சரியா என்ற கேள்வியை அவரிடம் கேட்ட போது,”இது ஒன்றும் பொறுப்பற்ற செயல் இல்லை. நான் என்னுடைய கடமையாக இதைப் பார்க்கின்றேன்,” என்று கூறினார் ட்யூக்.

கூடுதல் செய்திகளை வழங்கியவர் பிபிசி வெரிஃபையில் இருந்து கெய்லீன் வெலின்

– இது, பிபிசிக்காக கலெக்டிவ் நியூஸ்ரூம் வெளியீடு