ஜன நாயகன்:

தமிழ் சினிமாவின் உச்ச நடிகரான விஜய் நடித்துள்ள படம் ‘ஜன நாயகன்’. இப்படம் விஜயின் கடைசி படம் என கூறப்பட்டதால் படத்தின் மீதான எதிர்பார்ப்பு மேலோங்கி இருந்தது. ஜனவரி மாதம் 9-ந்தேதி வெளியாக இருந்த ‘ஜன நாயகன்’ படத்திற்கு தணிக்கை சான்றிதழ் வழங்காதது, வழக்கு, தேர்தல், இணையத்தில் வெளியீடு என பல காரணங்களால் தற்போதுவரை படம் வெளியாகவில்லை.

இதையடுத்து விஜய் தமிழ்நாட்டின் முதலமைச்சராக பொறுப்பேற்றுள்ளதை தொடர்ந்து படத்தில் அவரது பெயரில் தமிழ்நாடு முதலமைச்சர் விஜய் என சேர்ப்பது உள்ளிட்ட பணிகள் நடைபெற்றது. இதனை தொடர்ந்து ‘ஜன நாயகன்’ எப்போது வெளியாகும் என்ற கேள்வி மேலோங்கி உள்ளது. இந்த நிலையில், விஜய் நடித்து ‘ஜன நாயகன்’ படம் விஜய்யின் பிறந்தநாளான ஜூன் மாதத்தில் வெளியிட திட்டமிட்டுள்ளதாக தகவல் வெளியாகி உள்ளது.