சென்னை: கோவை, நீல​கிரி மாவட்​டங்​களில் நாளை (ஜூலை 17) முதல் 5 நாட்​களுக்கு மிக கனமழை பெய்ய வாய்ப்​புள்​ள​தாக வானிலை ஆய்வு மையம் தெரி​வித்​துள்​ளது.

இது தொடர்​பாக சென்னை வானிலை ஆய்வு மைய இயக்​குநர் பா.செந்​தாமரைக்​கண்​ணன் நேற்று வெளி​யிட்ட செய்​திக்​குறிப்​பில் கூறி​யிருப்​ப​தாவது: மேற்கு திசைக் காற்​றில் நில​வும் வேக​மாறு​பாடு காரண​மாக தமிழகத்​தில் சில பகு​தி​களி​லும், புதுச்​சேரி மற்​றும் காரைக்​கால் பகு​தி​களி​லும் இன்​றும், நாளை​யும் இடி, மின்​னலுடன் கூடிய, லேசானது முதல் மித​மான மழை பெய்​யக்​கூடும். ஓரிரு இடங்​களில் மணிக்கு 40 முதல் 50 கி.மீ. வேகத்​தில் பலத்த காற்று வீசக்​கூடும்.

கோவை மாவட்​டத்​தின் மலைப் பகு​தி​கள் மற்​றும் நீல​கிரி மாவட்​டத்​தில் ஓரிரு இடங்​களில் இன்று கனமழை​யும், நாளை முதல் 21-ம் தேதி வரை கன முதல் மிக கனமழை​யும் பெய்ய வாய்ப்​புள்​ளது. தேனி, திண்​டுக்​கல், தென்​காசி, திரு​வண்​ணா​மலை, கடலூர், விழுப்​புரம் மாவட்​டங்​கள் மற்​றும் புதுச்​சேரி​யில் நாளை கனமழை பெய்ய வாய்ப்​புள்​ளது.

தமிழகம், புதுச்​சேரி​ மற்​றும் காரைக்​கால் பகு​தி​களில் இன்று ஓரிரு இடங்​களில் அதி​கபட்ச வெப்​பநிலை இயல்​பை​விட அதி​க​மாக இருக்​கக்​கூடும். சென்னை மற்​றும் புறநகர் பகு​தி​களில் இன்று வானம் ஓரளவு மேகமூட்​டத்​துடன் காணப்​படும். நகரின் சில பகு​தி​களில் இடி, மின்​னலுடன் கூடிய, மித​மான மழை பெய்ய வாய்ப்​புள்​ளது. அதி​கபட்ச வெப்​பநிலை 98.6-100.4 டிகிரி, குறைந்​த​பட்ச வெப்​பநிலை 80.6-82.4 டிகிரி பாரன்​ஹீட் அளவில் இருக்​கும். தென் தமிழக கடலோரப் பகு​தி​கள், மன்​னார் வளை​கு​டா, குமரிக்​கடல், தென்​மேற்கு வங்​கக்​கடல்,தென்​கிழக்கு மற்​றும் மத்​தி​ய மேற்கு வங்​கக் கடலின் சில பகு​தி​கள், கேரள–கர்​நாடக கடலோரப் பகு​தி​கள் மற்​றும் லட்​சத்​தீவு பகு​தி​களில் இன்​றும், நாளை​யும் 60 முதல் 65 கி.மீ. வேகத்​தில் சூறாவளிக் காற்று வீசக்​கூடும். எனவே, மீனவர்​கள் இப்​பகு​தி​களுக்கு செல்ல வேண்​டாம் என அறி​வுறுத்​தப்​படு​கிறார்​கள்.

தமிழகத்​தில் நேற்று காலை 8.30 மணி வரையி​லான கடந்த 24 மணி நேரத்​தில் பதி​வான மழை அளவு​களின்​படி அதி​கபட்​ச​மாக சென்னை விம்​கோ நகர், மணலி​யில் 8 செ.மீ. மழை பதி​வானது. அதி​கபட்​ச​மாக மதுரை விமான நிலை​யத்​தில் 102 டிகிரி பாரன்​ஹீட் வெப்​பநிலை பதி​வானது. இவ்​வாறு செய்​திக்​குறிப்​பில்​ தெரிவிக்​கப்​பட்​டுள்​ளது.