புதுப்பிக்கப்பட்டது 10 அக்டோபர் 2026, 13:17 GMT

தலைநகர் டெல்லியில் காக்ரோச் ஜனதா கட்சி சார்பில் ஜந்தர் மந்தர் பகுதியில் நடைபெறவிருந்த பேரணிக்குத் தடை விதிக்கப்பட்டதைத் தொடர்ந்து, அப்பகுதியில் கடுமையான கட்டுப்பாடுகளும் காவல்துறையின் அதிரடி நடவடிக்கைகளும் மேற்கொள்ளப்பட்டு வருகின்றன.

போராட்டம் காரணமாக டெல்லி சுமார் 25,000 முதல் 30,000 வரையிலான காவல்துறை மற்றும் துணை ராணுவப் படையினர் பாதுகாப்புப் பணியில் ஈடுபடுத்தப்பட்டுள்ளனர். மேலும், முக்கியச் சாலைகளில் பலத்த தடுப்புகளும் அமைக்கப்பட்டுள்ளன.

காக்ரோச் ஜனதா கட்சி நிறுவனர் அபிஜித் திப்கே, நேஹா போரா, பிரசாந்த் பூஷன், யோகேந்திர யாதவ் மற்றும் துருவ் ராத்தி உள்ளிட்ட பலரும் காவல்துறையினரால் காவலில் அடைக்கப்பட்டுள்ளனர்.

மேற்கு வங்க முன்னாள் முதலமைச்சர் மம்தா பானர்ஜி, ஆம் ஆத்மி கட்சியின் ஒருங்கிணைப்பாளர் அரவிந்த் கெஜ்ரிவால் மற்றும் மணீஷ் சிசோடியா உள்ளிட்ட முக்கிய எதிர்க்கட்சித் தலைவர்களும் போராட்டத்தில் ஈடுபட முயன்றபோது தடுத்து நிறுத்தப்பட்டுத் தடுப்புக் காவலில் வைக்கப்பட்டுள்ளனர்.

செய்திகளைச் சேகரிக்கச் சென்ற ‘நியூஸ்லாண்ட்ரி’ ஊடகத்தின் செய்தியாளர்கள் தற்காலிகமாகக் காவலில் வைக்கப்பட்டுப் பின்னர் விடுவிக்கப்பட்டனர். அதேபோல், பங்களா சாகிப் குருத்வாரா பகுதியில் தஞ்சம் புகுந்த போராட்டக்காரர்கள் மீது தடியடி நடத்தப்பட்டதாகவும் குற்றச்சாட்டுகள் எழுந்துள்ளன.