சென்னை: தமிழகத்​தில் இன்று அதி​கபட்ச வெப்​பநிலை உயர வாய்ப்​பிருப்​ப​தாக வானிலை ஆய்வு மையம் தெரி​வித்​துள்​ளது.

இது தொடர்​பாக சென்னை மண்டல வானிலை ஆய்வு மைய விஞ்​ஞானி பா.கீதா வெளி​யிட்ட செய்​திக்​குறிப்​பில் கூறி​யிருப்​ப​தாவது: மேற்கு திசைக் காற்​றில் நில​வும் வேக மாறு​பாடு காரண​மாக தமிழகத்​தில் இன்று ஓரிரு இடங்​களி​லும், புதுச்​சேரி மற்​றும் காரைக்​கால் பகு​தி​களி​லும் இடி, மின்​னலுடன் கூடிய, லேசானது முதல் மித​மான மழை பெய்​யக் கூடும். தொடர்ந்து வரும் 7-ம் தேதி வரை மழைக்கு வாய்ப்பு உள்​ளது.

இன்று அதி​கபட்ச வெப்​பநிலை இயல்​பை​விட அதி​க​மாக இருக்​கக் கூடும். சென்னை மற்​றும் புறநகர் பகு​தி​களில் இன்று வானம் ஓரளவு மேகமூட்​டத்​துடன் காணப்​படும். நகரின் சில பகு​தி​களில் இடி, மின்​னலுடன் கூடிய, லேசான அல்​லது மித​மான மழைக்கு வாய்ப்​புள்​ளது. அதி​கபட்ச வெப்​பநிலை 98.6-100.4 டிகிரி, குறைந்​த​பட்ச வெப்​பநிலை 82.4-84.2 டிகிரி பாரன்​ஹீட் அளவில் இருக்​கும்.

தென்​தமிழக கடலோரப் பகு​தி​கள், மன்​னார் வளை​குடா மற்​றும் அதையொட்​டிய குமரிக்​கடல், மத்​திய மேற்​கு, மத்​தியகிழக்​கு, வடக்கு மற்​றும் தென்​மேற்கு அரபிக் கடல் பகு​தி​களில் இன்​றும், நாளை​யும் அதி​கபட்​ச​மாக 60 கி.மீ. வேகத்​தில் சூறாவளிக் காற்று வீசக்​கூடும். இதனால் மீனவர்​கள் இப்​பகு​தி​களுக்​குச் செல்ல வேண்​டாம் என அறி​வுறுத்​தப்​படு​கிறார்​கள். இவ்​வாறு செய்​திக்​குறிப்​பில் தெரிவிக்​கப்​பட்​டுள்​ளது.