தெலுங்கு தேசம் கட்சியின் ஆட்சி அமைந்த பிறகு ஜூலை 23ஆம் தேதி அன்று, திருமலா திருப்பதி தேவஸ்தானத்தின் செயல் அலுவலர் நெய்யில் கலப்படம் செய்வது குறித்து தன்னுடைய கருத்தைத் தெரிவித்தார்.

தாவர எண்ணெய்யை நெய்யோடு கலக்கிறது திருமலா திருப்பதி தேவஸ்தானம் என்று அவர் குற்றம் சாட்டினார். நெய்யை வழங்கும் ஐந்து நிறுவனங்களில் ஒன்றுதான் இத்தகைய கலப்படமான நெய்யை வழங்குகிறது என்றும் அவர் கூறினார்.

திருப்பதி தேவஸ்தானத்தின் முன்னாள் உறுப்பினர் ரமணா சந்திரபாபு நாயுடு கூறுவது உண்மைதான் என்று குறிப்பிட்டார்.

“ஒய்.எஸ்.ஆர். காங்கிரஸ் கட்சியின் ஆட்சியின்போது லட்டுவில் விலங்குகளின் கொழுப்பு கலக்கப்பட்டது உண்மைதான்,” என்றும் அவர் தெரிவித்தார்.

ஆந்திர பிரதேசம் காங்கிரஸ் கமிட்டியின் தலைவர் ஒய்.எஸ்.ஷர்மிளா, “தெலுங்கு தேசம் கட்சியும், ஒய்.எஸ்.ஆர். காங்கிரஸ் கட்சியும் இந்து மக்களின் நம்பிக்கையைக் காயப்படுத்தி அரசியல் செய்து வருகின்றனர்” என்று குற்றம் சாட்டினார்.

அரசாங்கம் உடனடியாக உயர்மட்டக் குழு ஒன்றை அமைத்து இதை விசாரிக்க வேண்டும். இல்லையென்றால் சி.பி.ஐ. விசாரிக்க வேண்டும் என்று கூறினார். முதல்வராக இருக்கும் சந்திரபாபு, லட்டு பிரசாதத்தில் நெய்க்குப் பதிலாக விலங்குகளின் கொழுப்பு பயன்படுத்தப்பட்டது எனக் கூறியிருப்பது வருத்தமடைய வைக்கிறது, மேலும் திருப்பதியின் மாண்பு மற்றும் புனிதத்திற்கு கலங்கம் விளைவிப்பதாக அமைந்துள்ளது என்றும் கூறியுள்ளார்.