ஷெஹ்சாதி டிசம்பர் 2021 இல் அபுதாபிக்குச் சென்றார். அவர் ஆகஸ்ட் 2022 முதல் அங்கு வீட்டு உதவியாளராக ஈடுபட்டு பணிபுரிந்து வந்தார். தான் கவனித்துக் கொண்டிருந்த நான்கு மாதக் குழந்தையைக் கொன்றதாக அவர் மீது குற்றம் சாட்டப்பட்டது.

நான்கு மாதக் குழந்தை தவறான தடுப்பூசி காரணமாக இறந்துவிட்டது என்பது ஷெஹ்சாதியின் உறவினர்களுடைய கூற்று.

அதனால்தான் இந்த விஷயத்தில் முன்னர் எந்த வழக்கும் பதிவு செய்யப்படவில்லை என்றும், ஆனால் சுமார் இரண்டு மாதங்களுக்குப் பிறகு குழந்தையின் குடும்பத்தினர் இந்த விஷயத்தில் வழக்குப் பதிவு செய்தததன் காரணமாக ஷெஹ்சாதி சிக்கிக்கொண்டார் என்றும் அவர்கள் வாதிடுகின்றனர்.

அவரது மகள் டிசம்பர் 15, 2021 அன்று அபுதாபிக்குச் சென்றார் எனவும், டிசம்பர் 7, 2022 அன்று அவர் கவனித்துக் கொண்டிருந்த குழந்தை இறந்துவிட்டது எனவும், பின்னர் பிப்ரவரி 10, 2023 அன்று வழக்குப் பதிவு செய்யப்பட்டது என்றும் கூறுகிறார் ஷெஹ்சாதியின் தந்தை ஷபீர்.

ஷெஹ்சாதி சிறையில் இருந்தபோது, இந்த விஷயம் தொடர்பாக இறந்த குழந்தையின் தந்தை ஃபைஸ் அகமதுவை பிபிசி தொடர்பு கொண்டது.

இறந்தவரின் தந்தை, “ஷெஹ்சாதி என் மகனை கொடூரமாகவும் வேண்டுமென்றே கொன்றார். இது ஐக்கிய அரபு எமிரேட்ஸ் அதிகாரிகளின் விசாரணையில் நிரூபிக்கப்பட்டுள்ளது. ஒரு பெற்றோராக எங்கள் வலியை உணருமாறு ஊடகங்களை நான் கேட்டுக்கொள்கிறேன்” என்று பதிலளித்தார்.

அதே நேரத்தில், ஷெஹ்சாதியின் தந்தை தனது மகள் மீது குற்றம் சாட்டப்பட்டதாகக் குற்றம் சாட்டினார்.

இந்த ஆண்டு பிப்ரவரியில் ஷெஹ்சாதிக்கு மரண தண்டனை நிறைவேற்றப்பட்டது.

ஐக்கிய அரபு எமிரேட்ஸில் ஒரு பயண முகவராக இருந்த ரினாஷ், 2021 முதல் அல் ஐன் நகரில் பணிபுரிந்து வந்தார். அரபு குடிமகன் அப்துல்லா ஜியாத் அல் ரஷீத்தை கொலை செய்ததாக அவர் மீது குற்றம் சாட்டப்பட்டது.

இருவரும் ஒரே டிராவல் ஏஜென்சியில் பணிபுரிந்த நிலையில், ரினாஷுக்கும் அப்துல்லாவுக்கும் ஏதோ ஒரு விஷயத்தில் சண்டை ஏற்பட்டதாகக் கூறப்படுகிறது.

இந்தத் தகராறு காரணமாக, ரஷீத் கூர்மையான ஆயுதத்தால் கொலை செய்யப்பட்டார். இதன் பிறகு, ரினாஷ் சில ஆண்டுகள் சிறையில் இருந்தார்.

இந்தியாவின் முய்தீன் கொலைக்காக கேரளாவின் காசர்கோட்டைச் சேர்ந்த முரளிதரன்னுக்கு ஐக்கிய அரபு எமிரேட்ஸில் மரண தண்டனை விதிக்கப்பட்டது. முரளிதரன் 2006 முதல் அல் ஐனில் ஓட்டுநராக இருந்தார், அங்கு அவரது தந்தையும் பணிபுரிந்தார்.

2009 ஆம் ஆண்டு முய்தீன் கொலை செய்யப்பட்டு பாலைவனத்தில் அவரது உடலை புதைத்ததாக அவர் மீது குற்றம் சாட்டப்பட்டது.

பிப்ரவரி 14 ஆம் தேதி, முரளிதரன் கடைசியாக வீட்டிற்கு போன் செய்து தண்டனை குறித்து தெரிவித்தார்.