0

காலி சர்வதேச விளையாட்டரங்கில் நடைபெற்றுவரும் நியூஸிலாந்துக்கு எதிரான முதலாவது டெஸ்ட் கிரிக்கெட் போட்டியின் 3ஆம் நாளான இன்றைய பகல் போசன இடைவேளையின்போது இலங்கை அதன் இரண்டாவது இன்னிங்ஸில் ஒரு விக்கெட்டை இழந்து 32 ஓட்டங்களைப் பெற்றிருந்தது.

திமுத் கருணாரட்ன 23 ஓட்டங்களுடனும் தினேஷ் சந்திமால் 2 ஓட்டங்களுடனும் ஆட்டம் இழக்காதிருந்தனர்.

பெத்தும் நிஸ்ஸன்க 2 ஓட்டங்களுடன் ஆட்டம் இழந்தார்.

இரண்டாவது இன்னிங்ஸில் மேலும் 9 விக்கெட்கள் மீதம் இருக்க நியூஸிலாந்தைவிட 3 ஓட்டங்கள் பின்னிலையில் இலங்கை இருக்கிறது.

இந்தப் போட்டியில் முதலாவது இன்னிங்ஸில் இலங்கை 305 ஓட்டங்களைப் பெற்றது.

இன்று காலை தனது முதல் இன்னிங்ஸை 4 விக்கெட் இழப்புக்கு 255 ஓட்டங்களிலிருந்து தொடர்ந்த நியூஸிலாந்து சகல விக்கெட்களையும் இழந்து 340 ஓட்டங்களைப் பெற்றது.

க்லென் பிலிப்ஸ் ஆட்டம் இழக்காமல் 49 ஓட்டங்களைப் பெற்றார்.

பந்துவீச்சில் ப்ரபாத் ஜயசூரிய 136 ஓட்டங்களுக்கு 4 விக்கெட்களையும் ரமேஷ் மெண்டிஸ் 101 ஓட்டங்களுக்கு 3 விக்கெட்களையும் தனஞ்சய டி சில்வா 31 ஓட்டங்களுக்கு 2 விக்கெட்களையும் கைப்பற்றினர்.

ஆட்டம் இன்னும் சற்று நேரத்தில் தொடரும்.