ന്യൂസിലൻഡിനെതിരായ നാലാം ഏകദിനത്തിൽ ഇന്ത്യയ്ക്ക് വമ്പൻ തോൽവി. മൗണ്ട് മൗംഗനുയിയിലെ ബേ ഓവലിൽ നടന്ന മത്സരത്തിൽ 244 റൺസിന്റെ കൂറ്റൻ പരാജയമാണ് ഇന്ത്യ നേരിട്ടത്.

334 റൺസ് വിജയലക്ഷ്യം പിന്തുടർന്നിറങ്ങിയ ഇന്ത്യൻ ബാറ്റിംഗ് നിര, മാറ്റ് ഹെന്റിയുടെ മാരക ബൗളിംഗിന് മുന്നിൽ തകർന്ന് വെറും 26.4 ഓവറിൽ 89 റൺസിന് പുറത്തായി.

ശുഭ്മാൻ ഗിൽ ടെസ്റ്റ് മത്സരങ്ങൾക്കുള്ള തയ്യാറെടുപ്പിനായി രണ്ട് മത്സരങ്ങളിൽ നിന്നും വിട്ടുനിന്നപ്പോൾ ശ്രേയസ് അയ്യരാണ് ഇന്ത്യയെ നയിച്ചത്.

ഇന്ത്യയ്ക്കൊപ്പം ടി-20യിലും ഏകദിനത്തിലും ക്യാപ്റ്റൻസി ഏറ്റെടുത്ത ആദ്യ മത്സരത്തിൽ തന്നെ പരാജയപ്പെടുന്ന മൂന്നാമത്തെ ഇന്ത്യൻ ക്യാപ്റ്റനായി അയ്യാർ മാറി. വിരാട് കോലി, ശുഭ്മാൻ ഗിൽ എന്നിവരായിരുന്നു ഇതിന് മുമ്പ് ക്യാപ്റ്റനായി കളത്തിലിറങ്ങിയ രണ്ട് ഫോർമാറ്റിലും ആദ്യ മത്സരത്തിൽ തന്നെ പരാജയം നേരിട്ടത്.

ഹെൻറി ആറ് വിക്കറ്റ് നേടിയാണ് ഇന്ത്യയെ വീഴ്ത്തിയത്. രോഹിത് ശർമ്മ, വിരാട് കോലി, ശ്രേയസ് അയ്യർ എന്നിവരെ ആദ്യ ഓവറിൽ തന്നെ പുറത്താക്കിയ ഹെന്റി മത്സരത്തിന്റെ ഗതി പൂർണ്ണമായും മാറ്റിമറിച്ചു. പിന്നീട് ഇഷാൻ കിഷൻ, കുൽദീപ് യാദവ്, ഗൂർനൂർ ബ്രാർ എന്നിവരെക്കൂടി വീഴ്ത്തിയ ഹെൻറി കിവീസിന് വിജയം സമ്മാനിച്ചു.

ആദ്യം ബാറ്റ് ചെയ്ത ന്യൂസിലൻഡ് 108 പന്തിൽ 125 റൺസ് നേടിയ വിൽ യങ്, 58 റൺസ് നേടിയ ടീം സീഫെർട്ട് എന്നിവരുടെ മികവിലാണ് 50 ഓവറിൽ 334 റൺസെന്ന ശക്തമായ സ്കോർ പടുത്തുയർത്തിയത്.

പരമ്പരയിലെ നാല് മത്സരങ്ങൾ പിന്നിട്ടപ്പോൾ ഇന്ത്യ 2-1ന് മുന്നിലാണ്. നവംബർ 15നാണ് അവസാന മത്സരം.

The post കോലിക്കും ഗില്ലിനും ശേഷം അയ്യരും; നിർഭാഗ്യ ക്യാപ്റ്റൻമാരിൽ മൂന്നാമൻ appeared first on Chandrika Daily.