ന്യൂദൽഹി : വ്യാഴാഴ്ച രാജ്യതലസ്ഥാനമായ ദൽഹിയിൽ വീണ്ടും നിർഭയ മോഡൽ പീഡനം. ദൽഹിയിൽ ബസിനുള്ളിൽ ഒരു സ്ത്രീ കൂട്ടബലാത്സംഗത്തിന് ഇരയായതായിട്ടാണ് റിപ്പോർട്ടുകൾ പറയുന്നത്. ഇര പോലീസിൽ സംഭവം റിപ്പോർട്ട് ചെയ്തതിനെത്തുടർന്ന് നടപടിയെടുക്കുകയും പ്രതികളിൽ രണ്ട് പേരെ അറസ്റ്റ് ചെയ്യുകയും ചെയ്തു.

ഒരു സ്വകാര്യ ബസിലാണ് അതിക്രമം നടന്നതെന്ന് പറയപ്പെടുന്നു. കേസിൽ നടപടി സ്വീകരിച്ച ദൽഹി പോലീസ് കുറ്റകൃത്യത്തിന് ഉപയോഗിച്ച ബസും പിടിച്ചെടുത്തു. നിലവിൽ കേസിലെ രണ്ട് പ്രതികളെയും അറസ്റ്റ് ചെയ്തതായി റിപ്പോർട്ടുണ്ട്. കൂടുതൽ വിവരങ്ങൾ പുറത്ത് വരുന്നതേയുള്ളൂ.