ഭോപ്പാൽ : മധ്യപ്രദേശിലെ മൊറീനയിൽ ഒരു ദാരുണമായ സംഭവം പുറത്തുവന്നു. മുതല 7 വയസ്സുള്ള പെൺകുട്ടിയെ വെള്ളത്തിലേക്ക് വലിച്ചിഴച്ച് ശരീരത്തിന്റെ പകുതി ഭാഗം തിന്നു. പെൺകുട്ടിയുടെ മൃതദേഹം വളരെ പ്രയാസപ്പെട്ട് കണ്ടെടുത്തെങ്കിലും പകുതി മാത്രമേ ലഭിച്ചുള്ളൂ. എസ്ഡിഇആർഎഫ് (സബ് ഡിവിഷണൽ ഫോറസ്റ്റ് ഓഫീസർ) യിലെ ഒരു സംഘമായ് മുതലയുടെ വായിൽ നിന്ന് മൃതദേഹം പുറത്തെടുത്തത്. ജില്ലയിലെ ചിന്നോണി പോലീസ് സ്റ്റേഷൻ പരിധിയിലുള്ള സിംഗ്രൗളിയിലെ ഗ്രാമപഞ്ചായത്തായ വൈദ്പുര ഗ്രാമത്തിന്റെ താഴ്വരയിൽ ചമ്പൽ നദിയുടെ തീരത്താണ് സംഭവം.
കെവാട്ട് സമുദായത്തിൽ പെട്ട ഗ്രാമവാസികൾ ദിവസവും ചമ്പൽ നദിയിലെ വെള്ളമാണ് ഉപജീവനത്തിനായി ഉപയോഗിക്കുന്നത്. രാവിലെ 9 മണിക്ക് ഗ്രാമവാസിയായ വിജയ് സിംഗ് കെവാട്ടിന്റെ 7 വയസ്സുള്ള മകൾ റാബി ചമ്പൽ നദിയിൽ കുളിക്കാൻ പോയി. ഇതിനിടയിൽ നദിയിൽ നിന്ന് പുറത്തുവന്ന ഒരു മുതല പെൺകുട്ടിയെ പിടികൂടി. നദീതീരത്തുണ്ടായിരുന്ന ഗ്രാമവാസികളുടെ നിലവിളി കേട്ട് പെൺകുട്ടിയെ വായിലാക്കി മുതല വെള്ളത്തിലേക്ക് ഇറങ്ങി.
ഗ്രാമവാസികൾ നൽകിയ വിവരത്തിന്റെ അടിസ്ഥാനത്തിൽ ചിന്നോണി പോലീസ് സ്റ്റേഷൻ എസ്ഡിഇആർഎഫ് സംഘത്തെ വിളിച്ചുവരുത്തി. ചമ്പൽ നദിയുടെ തീരത്ത് പോലീസും സംഘവും ഏകദേശം 6-7 മണിക്കൂർ കഷ്ടപ്പെട്ടതിനു ശേഷമാണ് പെൺകുട്ടിയുടെ മൃതദേഹം മുതലയുടെ പിടിയിൽ നിന്ന് പുറത്തെടുത്തതെന്ന് ചിന്നോണി പോലീസ് സ്റ്റേഷൻ ഇൻചാർജ് ഋഷികേശ് ശർമ്മ പറഞ്ഞു.
എന്നിരുന്നാലും, ഏഴ് മണിക്കൂറിനുള്ളിൽ, പെൺകുട്ടിയുടെ അരയ്ക്കു താഴെ ഭാഗം മുതല വിഴുങ്ങിയിരുന്നു. അതേ സമയം സംഭവത്തിൽ പോലീസ് അന്വേഷണം ആരംഭിച്ചു. പെൺകുട്ടിയുടെ മൃതദേഹം പോസ്റ്റ്മോർട്ടത്തിനായി കൈലാരസ് ആശുപത്രിയിലേക്ക് അയച്ചിട്ടുണ്ട്.