മലപ്പുറം: യൂട്യൂബറായ ദില്ഷാദിനെ കാണാനില്ലെന്ന് പരാതി.മലപ്പുറം ചേലേമ്പ്ര പുല്ലിപ്പറമ്പ് പാറയില് സ്വദേശിയാണ്.വിവിധ രാജ്യങ്ങളില് യാത്രകള് നടത്തുന്ന യൂട്യൂബറാണ് ഇയാള്.
യാത്രയുടെ ഭാഗമായി ദില്ഷാദ് വീട്ടില് നിന്ന് കഴിഞ്ഞ ആറാം തിയതിയാണ് പോയത്. നാലുദിവസമായി യാതൊരു വിവരവുമില്ലെന്ന് വീട്ടുകാര് പറഞ്ഞു.തേഞ്ഞിപ്പലം പൊലീസില് പരാതി നല്കി. സംഭവത്തില് പൊലീസ് അന്വേഷണം തുടങ്ങി.
അവസാനം സംസാരിച്ചപ്പോള് ദില്ഷാദ് താന് അസമിലാണെന്ന് പറഞ്ഞതായി വീട്ടുകാര് അറിയിച്ചു.ഐ ക്വിറ്റ് എന്നൊരു പോസ്റ്റാണ് ഇദ്ദേഹത്തിന്റെ ഇന്സ്റ്റഗ്രാമില് അവസാനമായി പോസ്റ്റ് ചെയ്തിരിക്കുന്നത്.