മലപ്പുറം: ഭാര്യയെയും മകളെയും ആക്രമിച്ച കേസിലെ പ്രതിയെ പൊലീസ് അറസ്റ്റ് ചെയ്തു. നടുവട്ടം സ്വദേശി ബഷീര് (55) ആണ് പിടിയിലായത്.
ആഗസ്റ്റ് 13ന് രാത്രി 11 മണിയോടെ ഭാര്യയുടെ വീട്ടില് പ്രവേശിക്കരുതെന്ന കോടതി ഉത്തരവ് നിലനില്ക്കെ രാങ്ങാട്ടുരില് ഭാര്യയും മകളും താമസിക്കുന്ന വീട്ടിലെ അടുക്കള മുറ്റത്തേക്ക് അതിക്രമിച്ച് കയറുകയായിരുന്നു.
വീട്ടിലെ ഫ്യൂസ് ഊരിയ ശേഷം ഇരുട്ടില് മറഞ്ഞിരുന്ന പ്രതി, ഭാര്യയുടെ ദേഹത്ത് മുളകുപൊടി കലക്കിയ വെള്ളം ഒഴിച്ച ശേഷം കൈയില് കരുതിയിരുന്ന മാരകായുധം ഉപയോഗിച്ച് തലയില് വെട്ടുകയായിരുന്നു.വെട്ട് തടയുന്നതിനിടെ ഭാര്യയുടെ ഇടതുകൈയിലെ നടുവിരലിന്റെ എല്ല് പൊട്ടി.തുടര്ന്ന് കത്തികൊണ്ട് ആക്രമിക്കുകയും ചെയ്തു. ഇതില് ഭാര്യക്കും മകള്ക്കും കൈകളില് മുറിവേറ്റു. മകളുടെ വലത് കൈപ്പത്തിയിലും കുത്തേറ്റു.
പ്രതിക്കെതിരെ ഭാര്യ ഖദിജ കുടുംബ കോടതിയില് കേസ് നല്കിയതിലുള്ള വൈരാഗ്യം ആണ് ആക്രമണത്തിന് കാരണം.ഭാര്യയെ ആക്രമിച്ചതിന് നേരത്തെയും ഇയാള്ക്കെതിരെ കുറ്റിപ്പുറം പൊലീസ് സ്റ്റേഷ നില് കേസ് രജിസ്റ്റര് ചെയ്തിട്ടുണ്ട്.
രാങ്ങാട്ടൂരിലെ വാടക ക്വാര്ട്ടേഴ്സില് ഒറ്റയ്ക്കാണ് പ്രതി കഴിയുന്നത്.