ന്യൂഡൽഹി : രണ്ട് ദിവസം മുൻപാണ് പ്രധാനമന്ത്രിയുടെ വസതിയിലേയ്‌ക്ക് നടന്ന പ്രതിഷേധമാർച്ചിനിടെ രാഹുലിനെയും കൂട്ടരെയും പൊലീസ് അറസ്റ്റ് ചെയ്തത്. രാഹുലിനെ പൊലീസുകാർ കൊണ്ടുപോകുന്ന ദൃശ്യങ്ങളും ഏറെ വൈറലായിരുന്നു. എന്നാൽ ഇപ്പോൾ അതിൽ നിന്നൊക്കെ വിചിത്രമായ വാദമാണ് രാഹുൽ ഉന്നയിച്ചിരിക്കുന്നത്.

മാർച്ചിനിടെ തന്നെ പൊക്കി കൊണ്ടുപോയ പൊലീസുകാർ മോദി സർക്കാരിനെ താഴെയിറക്കണമെന്ന് തന്നോട് ആവശ്യപ്പെട്ടുവെന്നാണ് രാഹുൽ പറയുന്നത് . ഏറ്റുമുട്ടലിനിടെ പൊലീസ് ഉദ്യോഗസ്ഥരുമായി താൻ പ്രത്യേക ഇടപെടലുകൾ നടത്തിയെന്നാണ് രാഹുൽ ഗാന്ധി പറയുന്നത് . ഒരു പോലീസുകാരൻ തന്നോട്, “ഞാൻ രാജസ്ഥാനിൽ നിന്നാണ്, ഞങ്ങൾ യൂണിഫോം മാത്രമാണ് ധരിച്ചിരിക്കുന്നത്. രണ്ടാമത്തേയാൾ , ഞാൻ ഹരിയാനയിൽ നിന്നാണ്, അവരെ നീക്കം ചെയ്യുക എന്നാണ് പറഞ്ഞത്. അതിനാൽ ആ വികാരം അവരിലും നിലനിൽക്കുന്നു, എല്ലാവർക്കും സത്യം അറിയാം” എന്നാണ് രാഹുൽ പറഞ്ഞത്.

. “അവർ ഉത്തരവ് അംഗീകരിക്കണം, അതിനാൽ അവർ അത് ചെയ്യുന്നു. പക്ഷേ പോലീസിന് പോലും ഇതൊന്നും ഇഷ്ടമല്ല . ഇത് നമ്മുടെ രാജ്യത്തിന്റെ ഭാവിയോട് ചെയ്യുന്ന ഒരു കുറ്റകൃത്യമാണെന്ന് സെൻസിറ്റീവ് പോലീസുകാർക്ക് തോന്നുന്നു. “ എന്നാണ് രാഹുലിന്റെ വാദം.