പത്തനംതിട്ട: മ്ലാവിനെ വെടിവെച്ചു കൊന്ന് ഇറച്ചി വിറ്റ നായാട്ട് സംഘം പിടിയില്.കോന്നി ഫോറസ്റ്റ് ഡിവിഷനില് ആണ് ഇക്കഴിഞ്ഞ ഞായറാഴ്ച മ്ലാവിനെ വെടിവച്ച് കൊന്നത്.
കോട്ടയം ചേറാടി സ്വദേശികളായ സുനില് കുമാര് സി ജി, അനില് കുമാര് സി ജി, ഇടുക്കി പാലത്തോട്ടത്തില് സ്വദേശി അഭിലാല് മധു, കോന്നി അരുവാപ്പുലം സ്വദേശി പ്രശാന്ത് എന്നിവരാണ് വനം വകുപ്പിന്റെ പിടിയിലായത്.
പ്രതികള് സഞ്ചരിച്ച ജീപ്പ്, ഇരട്ടക്കുഴല് തോക്ക്, മറ്റ് മാരകായുധങ്ങള് എന്നിവയും വനംവകുപ്പ് പിടിച്ചെടുത്തു. അതുമ്പുംകുളം ആവോലില്കുഴി ഭാഗത്താണ് സംഘം മ്ലാവിനെ വെടിവെച്ച് കൊന്നത്. തുടര്ന്ന് ഇറച്ചി വിവിധ സ്ഥലങ്ങളിലായി വില്പന നടത്തി.
മ്ലാവിന്റെ തലയും ആന്തരിക അവയവങ്ങളും ആവോലില്കുഴി ഭാഗത്ത് ഉപേക്ഷിച്ച നിലയില് വനപാലകര് കണ്ടെത്തി.വനംവകുപ്പ് കേസ് രജിസ്റ്റര് ചെയ്ത് അന്വേഷണം നടത്തിവരവെ വീണ്ടും വേട്ടയ്ക്കിറങ്ങിയ പ്രതികള് പിടിയിലാവുക ആയിരുന്നു.