രാമായണം തുടങ്ങുന്നത് യുദ്ധത്തിലൂടെയല്ല, ഒരു വാക്കിലൂടെയാണ്. ഒരു വാഗ്ദാനം പാലിക്കപ്പെടണമെന്ന ഉറച്ച തീരുമാനമാണ് പിന്നീട് ഒരു രാജ്യത്തിന്റെ ചരിത്രത്തെയും ഒരു കുടുംബത്തിന്റെ ജീവിതത്തെയും മാറ്റിമറിക്കുന്നത്. പറയുന്ന വാക്കിനും ഏറ്റെടുക്കുന്ന ഉത്തരവാദിത്തത്തിനും എത്ര വലിയ ശക്തിയുണ്ടെന്ന് രാമായണം ആദ്യം തന്നെ നമ്മെ ഓര്‍മിപ്പിക്കുന്നു.

ഇന്ന് വാക്കുകള്‍ എളുപ്പത്തില്‍ പറയുകയും അതിലും എളുപ്പത്തില്‍ മറക്കുകയും ചെയ്യുന്ന കാലമാണ്. എന്നാല്‍ വിശ്വാസത്തിന്റെ അടിത്തറ വാഗ്ദാനങ്ങള്‍ പാലിക്കപ്പെടുമ്പോഴാണ് ശക്തമാകുന്നത്. ബന്ധങ്ങളും സമൂഹവും നിലനില്‍ക്കുന്നത് സമ്പത്തിനേക്കാള്‍ കൂടുതല്‍ സത്യസന്ധതയുടെ ബലത്തിലാണ്.

ഒരു മനുഷ്യന്റെ മഹത്വം അവന്‍ പറയുന്ന വലിയ വാക്കുകളിലല്ല; പറഞ്ഞ ചെറിയ വാക്കുകള്‍ പോലും പാലിക്കാന്‍ കാണിക്കുന്ന ആത്മാര്‍ത്ഥതയിലാണ്.