കോഴിക്കോട് :വോട്ടെണ്ണല് ദിനമായ തിങ്കളാഴ്ച ജില്ലയില് നിരോധനാജ്ഞ. പടക്കം വില്പനയ്ക്കും നിരോധനമുണ്ട്. അതിരുവിട്ട ആഘോഷങ്ങള് നിയന്ത്രിക്കുന്നതിനായാണ് ഇതെന്ന് ജില്ലാ കളക്ടര് വ്യക്തമാക്കി.
വോട്ടെണ്ണല് ദിവസം ജില്ലയില് പൊലീസും നിയന്ത്രണം ഏര്പ്പെടുത്തി.ആഹ്ലാദപ്രകടനങ്ങള്ക്ക് മുന്കൂര് അനുമതി തേടണം. രാത്രി 7 മണിക്ക് മുമ്പായി ആഹ്ലാദപ്രകടനങ്ങള് അവസാനിപ്പിക്കണം. ആഹ്ലാദ പ്രകടനങ്ങളില് ഡിജെ ഒഴിവാക്കണം.
പ്രകടനങ്ങളില് വടി പോലുള്ള മറ്റ് ആയുധങ്ങള് എന്നിവ ഉപയോഗിക്കരുത്. പ്രകടനങ്ങളില് പങ്കെടുക്കുന്നവര് സ്ഫോടക വസ്തുക്കള് ഉപയോഗിക്കരുതെന്ന് പൊലീസ് ആവശ്യപ്പെട്ടിട്ടുണ്ട്.