ന്യൂദല്ഹി: ബംഗ്ലാദേശില് നിന്ന് പുറത്താക്കപ്പെട്ട് ഇന്ത്യയില് കഴിയുന്ന മുന് പ്രധാനമന്ത്രി ഷെയ്ഖ് ഹസീന ബുധനാഴ്ച ന്യൂദല്ഹിയില് ഫോറിന് കറസ്പോണ്ടന്റ്സ് ക്ലബ് ഓഫ് സൗത്ത് ഏഷ്യയുടെ വെര്ച്വല് പ്രോഗ്രാമില് പങ്കെടുക്കും. തന്റെ ഭാവി പദ്ധതികളെക്കുറിച്ച് അവര് സംസാരിക്കുമെന്നാണ് കരുതപ്പെടുന്നത്. ഫോറിന് കറസ്പോണ്ടന്റ്സ് ക്ലബ്ബിന്റെ സോഷ്യല് മീഡിയ പ്ലാറ്റ്ഫോമുകളില് പരിപാടി തത്സമയം സംപ്രേഷണം ചെയ്യുന്നുണ്ട്.
ഷേഖ് ഹസീനയുടെ മകനും മുന് ഐസിടി ഉപദേഷ്ടാവുമായ സജീബ് വാസെദ് ജോയ്, മുന് വിദ്യാഭ്യാസ മന്ത്രി മൊഹിബുള് ഹസന് ചൗധരി നൗഫെല് തുടങ്ങിയവരും പങ്കെടുക്കുന്നുണ്ട്.
രണ്ട് വര്ഷം മുമ്പ് ഇന്ത്യയിലെത്തിയതിനുശേഷം ഹസീന പൊതുപരിപാടികളില് നിന്നും ഔപചാരിക മാധ്യമസമ്മേളനങ്ങളില് നിന്നും വിട്ടുനില്ക്കുകയായിരുന്നു.
ഈ ഡിസംബറില് ബംഗ്ലാദേശിലേക്ക് മടങ്ങാനുള്ള പദ്ധതി അടുത്തിടെ അവര് പ്രഖ്യാപിച്ചിരുന്നു.