ചെന്നൈ: സംഗീത സംവിധായകന് അനിരുദ്ധിനും ഐപിഎല് ക്ലബ്ബായ സണ്റൈസേഴ്സ് ഹൈദരാബാദ് ഉടമ കാവ്യ മാരനും സ്പെയിനില് വെച്ച് വിവാഹിതരാകാൻ പോകുന്നുവെന്ന അഭ്യൂഹം സമൂഹമാധ്യമങ്ങളില് വീണ്ടും സജീവമായിരിക്കുകയാണ്.
വർഷങ്ങളായി ഇത്തരം വാർത്തകള് പ്രചരിക്കാറുണ്ടെങ്കിലും, ഇത്തവണ വർഷാവസാനം സ്പെയിനില് വച്ച് വിവാഹം നടക്കുമെന്ന തരത്തിലുള്ള റിപ്പോർട്ടുകളാണ് വലിയ ചർച്ചകള്ക്ക് വഴിതുറന്നിരിക്കുന്നത്.
അനിരുദ്ധും കാവ്യയും പൊതുവേദികളിലും ഐപിഎല് വേദികളിലും ഒരുമിച്ച് പ്രത്യക്ഷപ്പെടാറുണ്ട്. ഇതിനു പുറമെ, ബ്രിട്ടൻ ആസ്ഥാനമായുള്ള ഒരു വ്ളോഗർ പങ്കുവെച്ച വീഡിയോയില് ഇരുവരും ന്യൂയോർക്കിലെ തെരുവുകളിലൂടെ ഒരുമിച്ച് നടക്കുന്നത് കണ്ടതോടെയാണ് പ്രണയത്തെക്കുറിച്ചുള്ള ഗോസിപ്പുകള് ശക്തമായത്.