ആലപ്പുഴ: സെന്സസ് എന്യുമറേറ്ററായ ഭാര്യയൊടൊപ്പം പോയ ഭര്ത്താവിന് വളര്ത്തുനായയുടെ ആക്രമണത്തില് പരിക്ക്. സെന്സസ് ഡ്യൂട്ടി സൂപ്പര്വൈസറും ആലപ്പുഴ ജനറല് ആശുപത്രി ഹെഡ് ക്ലാര്ക്കുമായ അവലുക്കുന്ന് സഫാ മന്സിലില് എച്ച് അമീറിനാണ് നായയുടെ കടിയേറ്റത്.
ഞായറാഴ്ച രാവിലെ 11.30 ഓടെയായിരുന്നു സംഭവം. അമീറിന് കീഴില് ഭാര്യ ഉള്പ്പെടെ ആറു എന്യുമറേറ്റര്മാരാണ് ഉള്ളത്. ആര്യാട് എച്ച്എസ്എല്പി സ്കൂള് അധ്യാപികയായ ഷംനയാണ് ഭാര്യ. ചാത്തനാട് മന്നത്ത് ജംഗ്ഷന് തെക്ക് വശമുള്ള ഒരു വീട്ടിലെ വളര്ത്തുനായയാണ് ഇവരെ ആക്രമിച്ചത്. നായയെ ഒന്നരമാസം മുമ്പ് ബഹറിനില് നിന്നും എത്തിച്ചതാണ്.
ഭാര്യയുടെ നേരെ നായ വരുന്നതുകണ്ടു തടയാന് ശ്രമിക്കവെയാണ് അമീറിന് കടിയേറ്റത്. ഇദ്ദേഹത്തെ ആലപ്പുഴ ജനറല് ആശുപത്രിയില് പ്രവേശിപ്പിച്ചു.