തിരുവല്ല: വിവിധ ദളിത് സംഘടനകളുടെ നേതൃത്വത്തില് നടത്തിയ ഹര്ത്താലില് രോഗികളും വലഞ്ഞു. തിരുവല്ലയിലെ ആശുപത്രിയില് ചികിത്സയ്ക്കായി പോയ കാന്സര് രോഗിയെ ഹര്ത്താല് അനുകൂലികള് തടഞ്ഞു. തുടര്ന്ന് രോഗിയുടെ ബന്ധുക്കളും പ്രതിഷേധക്കാരും തമ്മില് വാക്കേറ്റമുണ്ടായി. പത്ത് ദിവസം മുമ്പ് പ്രഖ്യാപിച്ച ഹര്ത്താലാണെന്നും ആശുപത്രിയില് നേരത്തെ പോകണമായിരുന്നെന്നും ഹര്ത്താല് അനുകൂലികള് രോഗിയോടും ബന്ധുക്കളോടും പറഞ്ഞു. ഹര്ത്താല് പൊളിക്കാനാണോ നീ വന്നത് എന്നും രോഗിയോട് അവര് ആക്രോശിച്ചു.
എന്നാല് രോഗത്തിന് ഹര്ത്താല് വല്ലതും ഉണ്ടോ? അസുഖം മൂര്ച്ഛിച്ചാല് ആശുപത്രില് പോകണ്ടേ. ഒരു രോഗിയോട് ഈ തരത്തില് പെരുമാറരുത് എന്നു ബന്ധുക്കളും പ്രതികരിച്ചു. തുടര്ന്ന് പോലീസ് ഇടപെട്ടാണ് രംഗം ശാന്തമാക്കി ഇരുകൂട്ടരെയും സ്ഥലത്ത് നിന്നു മാറ്റിയത്.
തിരുവല്ലയിലും പരിസരങ്ങളിലും ബൈക്ക് യാത്രികരെപ്പോലും തടഞ്ഞു നിര്ത്തി തിരിച്ചയച്ചു. സര്വീസ് നടത്താനൊരുങ്ങിയ കെഎസ്ആര്ടിസി ബസുകള് സ്റ്റാന്ഡില് തന്നെ തടഞ്ഞു.