വാഷിംഗ്ടണ്: അമേരിക്കയിലാകെ ഇന്ത്യാവിരുദ്ധ, ഹിന്ദുവിരുദ്ധ വികാരം പല രീതിയില് കത്തുകയാണ്. ‘അമേരിക്ക അമേരിക്കയ്ക്ക്’ എന്ന മുദ്രാവാക്യമുയര്ത്തി ട്രംപ് വംശീയതയെ പ്രോത്സാഹിപ്പിക്കുന്നതാണ് ഇതിന് കാരണം. ഈ പശ്ചാത്തലത്തില് അമേരിക്കയിലെ ടെക്സാസിലെ നേഹ സുരത്രോണ് എന്ന ഇന്ത്യന് ഹിന്ദു പെണ്കുട്ടിയുടെ ഒരു പ്രസംഗം ഇപ്പോഴും വൈറലായി പ്രചരിക്കുകയാണ്. എച്ച് 1 ബി വിസയുമായി ബന്ധപ്പെട്ട് നടന്ന ഒരു ചര്ച്ചയിലാണ് നേഹ അവളുടെ അഭിപ്രായങ്ങള് ശക്തമായി പറഞ്ഞത്. ഏത് ഒരു അമേരിക്കക്കാരന്റെയും കണ്ണുതുറപ്പിക്കുന്നതായിരുന്നു നേഹയുടെ ഈ പ്രസംഗം.
ഈ പ്രസംഗം അമേരിക്കയിലെന്നല്ല, ലോകമെമ്പാടും സമൂഹമാധ്യമങ്ങളില് വൈറലാണ്. ഇതിന് കാരണം ഈ പെണ്കുട്ടി അമേരിക്കയില് നടത്തിയ ഈ പ്രസംഗത്തിലെ ചാട്ടുളിപ്രയോഗങ്ങളാണ്. “ഞങ്ങള് അമേരിക്കന് ഇന്ത്യക്കാര് ആരെയും ഞങ്ങളുടെ മതം (ഹിന്ദുമതം) പിന്തുടരാന് നിര്ബന്ധിക്കാറില്ല പക്ഷെ ഞങ്ങള് ക്രിസ്തുമസ് ആഘോഷിക്കാറുണ്ട്.” – നേഹ ഹിന്ദുമതത്തിന്റെ സവിശേഷത വിവരിച്ചു.
ഹിന്ദുക്കള് അമേരിക്ക കീഴടക്കുകയാണ് എന്ന വിമര്ശനത്തിനും നേഹ മറുപടി നല്കി: “ഞങ്ങള് ഹിന്ദുക്കള് ആരേയും ഹിന്ദുമതത്തിലേക്ക് മതപരിവര്ത്തനം നടത്താറില്ല. എല്ലാവരും സ്വര്ഗ്ഗത്തില് പോകുമെന്നാണ് ഹിന്ദുമതത്തിലെ വിശ്വാസം. “- ഒട്ടും ഭയപ്പെടേണ്ടതില്ലാത്ത മതമാണ് ഹിന്ദുമതമെന്നും നേഹ വിശദീകരിച്ചു.