ഗുവാഹത്തി: വെസ്റ്റ് ഇൻഡീസിനെതിരായ രണ്ടാം ഏകദിനത്തിൽ വിസ്ഫോടക ബാറ്റിംഗുമായി ഇന്ത്യൻ ക്യാപ്റ്റൻ രോഹിത് ശർമ്മ.

കരീബിയൻ ബൗളിംഗ് നിരയെ തലങ്ങും വിലങ്ങും പ്രഹരിച്ച ഹിറ്റ്‌മാൻ തന്റെ കരിയറിലെ 35-ാം ഏകദിന സെഞ്ച്വറിയാണ് ഗുവാഹത്തിയിൽ കുറിച്ചത്.

സമ്മർദ്ദ ഘട്ടങ്ങളിലും തനിക്ക് എത്രത്തോളം ടീമിനെ ലക്ഷ്യത്തിലേക്ക് നയിക്കാനാകുമെന്ന് ഒരിക്കൽ കൂടി തെളിയിച്ചിരിക്കുകയാണ് ഈ ഇതിഹാസ താരം.

രോഹിത് – ഗിൽ മാസ്മരിക കൂട്ടുകെട്ട്

406 റൺസ് എന്ന ഹിമാലയൻ ലക്ഷ്യം പിന്തുടർന്നിറങ്ങിയ ഇന്ത്യക്ക് വേണ്ടി ഓപ്പണിങ് ഇറങ്ങിയ രോഹിത് ശർമ്മയും ക്യാപ്റ്റൻ ശുഭ്മാൻ ഗില്ലും ചേർന്ന് എതിരാളികളെ അക്ഷരാർത്ഥത്തിൽ നിഷ്പ്രഭമാക്കുകയായിരുന്നു.

തുടക്കം മുതൽ ആക്രമണവും സംയമനവും ഒരുപോലെ പാലിച്ച് മുന്നേറിയ ഇരുവരും ചേർന്ന് ഒന്നാം വിക്കറ്റിൽ പടുത്തുയർത്തിയത് ഒരു ഇതിഹാസ കൂട്ടുകെട്ടാണ്. 255 റൺസിന്റെ ഇതിഹാസ കൂട്ട്കെട്ട് പടുത്തുയർത്തി ഹിറ്റ്മാൻ ജേഡൻ സീൽസിന് മുന്നിൽ 101 റൺസ് എടുത്തു നിൽക്കേ എൽബിയിൽ കുടുങ്ങുകയായിരുന്നു.

രോഹിത് ശർമ്മ ആക്രമിച്ചു കളിച്ചപ്പോൾ ഗിൽ മികച്ച രീതിയിൽ സ്ട്രൈക്ക് റൊട്ടേറ്റ് ചെയ്ത് കളി മുന്നോട്ട് കൊണ്ടുപോയി.

വിൻഡീസിന്റെ ഏത് തന്ത്രങ്ങളെയും അനായാസം നേരിട്ട ഈ സഖ്യം ഇന്ത്യയെ റെക്കോർഡ് ലക്ഷ്യത്തിലേക്ക് അവിശ്വസനീയം വണ്ണമാണ് നയിക്കുന്നത്.

അന്താരാഷ്ട്ര ക്രിക്കറ്റിൽ തന്റെ ക്ലാസും ഫിറ്റ്‌നസും ഇപ്പോഴും ചോർന്നുപോയിട്ടില്ലെന്ന് വിളിച്ചോതുന്നതായിരുന്നു രോഹിതിന്റെ ഈ സെഞ്ച്വറി പ്രകടനം. വിൻഡീസ് ബൗളർമാരുടെ ആത്മവീര്യം തകർത്ത ഈ പ്രകടനം ഇന്ത്യൻ ആരാധകരെ ആവേശത്തിന്റെ കൊടുമുടിയിലെത്തിച്ചിരിക്കുകയാണ്!