அர்ஜென்டினா - எகிப்து ஆட்டத்தின் கடைசி நிமிடங்களில் என்ன நடந்தது? 15 படங்கள்

படக்குறிப்பு, நடுவர் ஃபிரான்சுவா லெடெக்சியர் உடன் எகிப்து வீரர் முகமது சலா பேசுகிறார்.

பிரசுரிக்கப்பட்டது 8 ஜூலை 2026, 09:40 GMT

புதுப்பிக்கப்பட்டது 33 நிமிடங்களுக்கு முன்னர்

வாசிக்கும் நேரம்: 3 நிமிடங்கள்

ஃபிஃபா உலகக்கோப்பை நாக்-அவுட் போட்டியில் நடப்பு சாம்பியனான அர்ஜென்டினாவுக்கு எதிராக எகிப்து 2-0 என்ற கணக்கில் முன்னிலையில் இருந்தது.

எகிப்து அணி முதல் முறையாக நாக்-அவுட் சுற்றில் தங்களின் மிகச்சிறந்த ஆட்டத்தை வெளிப்படுத்தும் தருவாயில் இருந்தது.

79-ஆவது நிமிடத்தில் அர்ஜென்டினாவின் கிறிஸ்டியன் ரொமேரோ ஒரு கோல் அடித்து கோல் வித்தியாசத்தைக் குறைத்தார்.

ஆனால், கால்பந்து ரசிகர்களால் ‘கோட்’ என்று அழைக்கப்படும் அர்ஜென்டினாவின் கேப்டன் லியோனல் மெஸ்ஸி, அடுத்த நான்கே நிமிடங்களில் மற்றொரு கோல் அடித்து ஸ்கோரை 2-2 என சமன் செய்தார்.

அதன்பின்னர், கூடுதல் நேரத்தின் (ஸ்டாப்பேஜ் டைம்) இரண்டாவது நிமிடத்தில் அர்ஜென்டினாவின் என்சோ பெர்னாண்டஸ் ஒரு கோல் அடித்தார்.

எகிப்துக்கு எதிராக 3-2 என்ற வெற்றியின் மூலம் அர்ஜென்டினா கால் இறுதிப் போட்டிக்கான தனது இடத்தை உறுதி செய்தது.

விறுவிறுப்பான இந்தப் போட்டியின் பரபரப்பான நிமிடங்களை விவரிக்கும் புகைப்படங்களை இங்கே காணலாம்.

வீடியோ அசிஸ்டண்ட் ரெஃப்ரி, ஃபவுல் காரணமாக எகிப்து வீரர் முஸ்தஃபா ஜிகோவின் இரண்டாவது கோலை நிராகரித்ததால், எகிப்திய அணி விரக்தியும் ஆத்திரமும் அடைந்தது. அந்த நேரத்தில் எகிப்து 1-0 என்ற கோல் கணக்கில் முன்னிலையில் இருந்தது.

எகிப்தின் கோபம் இத்துடன் முடிந்துவிடவில்லை.

அர்ஜென்டினாவின் மூன்றாவது கோலுக்கு சில நொடிகள் முன்பாக, தங்களின் பெனால்டி பகுதியில் முகமது சலா, ஃபவுல் செய்யப்பட்டதாக அவர்கள் நம்பினர். ஆனால் நடுவர் அதைப் புறக்கணித்துவிட்டு ஆட்டத்தைத் தொடர அனுமதித்தார்.

நடுவர் ஃபிரான்சுவா லெடெக்சியர் ஆட்டமுடிவுக்கான விசிலை ஊதியபோது, பல எகிப்து வீரர்களால் தங்களின் இந்தத் தோல்வியை நம்ப முடியவில்லை, அவர்கள் மைதானத்திலேயே விரக்தியை வெளிப்படுத்தத் தொடங்கினர்.

இந்த நிலையில் காலிறுதிப் போட்டியில் ஸ்விட்சர்லாந்து அணியை அர்ஜென்டினா எதிர்கொள்ள இருக்கிறது. ஸ்விட்சர்லாந்து – கொலம்பியா இடையேயான போட்டியில் எந்தக் கோலும் எடுக்கப்படாத நிலையில் பெனால்டி சுற்றில் 4-3 என்கிற கணக்கில் சுவட்சர்லாந்து வென்றது.