“தவெக தலைவரும், முதலமைச்சருமான விஜய் தலைமையில் தோழமைக் கட்சிகளின் முதல் கூட்டம் நடைபெற்றது. கூட்டம் நேர்மறையாக இருந்தது. இக்கூட்டத்தில் மூன்று முக்கிய முடிவுகள் எடுக்கப்பட்டுள்ளன. ஒன்று தோழமை கட்சிகளை அடுத்தக்கட்டத்திற்கு எடுத்துசெல்வது.

இதனை மூன்று நிலைகளாக பார்க்கிறோம். ஆதரவு கொடுக்கின்றன கட்சிகள், ஆதரவில் பங்குபெற்ற கட்சிகள், அடுத்த நிலை கூட்டணி அமைப்பதற்கான நிலை. இந்த மூன்று நிலை குறித்தும் ஆலோசிக்கப்பட்டது. கூட்டத்தில் கலந்துகொண்ட தலைவர்கள் அனைவரும் தங்கள் கருத்துகளை பகிர்ந்துகொண்டனர்.

ஒருங்கிணைப்புக் குழு, பொது நிகழ்ச்சி நிரல், கூட்டணியின் பெயர் குறித்து அடுத்த கூட்டத்தில் விவரிக்கப்படும். தவெகவில் என்று நாடாளுமன்ற உறுப்பினர்கள் வருகிறார்களோ, அன்று இந்தியா கூட்டணி குறித்து பேசப்படும்.” என தெரிவித்தார்.