பாரிஸ் ஓபன் டென்னிஸ் தொடர் பிரான்சில் நடந்து வருகிறது.

ஆண்களுக்கான ஒற்றையர் பிரிவின் காலிறுதி சுற்றில் ஸ்பெயினின் கார்லோஸ் அல்காரஸ், அமெரிக்காவின் டெய்லர் பிரிட்ஸ் உடன் மோதினார்.

இதில் சிறப்பாக ஆடிய டெய்லர் பிரிட்ஸ் முதல் செட்டை 7-6 (12-10) என போராடி வென்றார்.

இதற்கு பதிலடி கொடுக்கும் வகையில் அதிரடியாக ஆடிய கார்லோஸ் அல்காரஸ் அடுத்த இரு செட்களை 7-5, 6-3 என கைப்பற்றி அரையிறுதி சுற்றுக்கு முன்னேறினார்.

ஏற்கனவே அரையிறுதி சுற்றுக்கு அமெரிக்காவின் பென் ஷெல்டன், நார்வேயின் காஸ்பர் ரூட் மற்றும் பிரான்சின் லூகா வான் ஆஷ் ஆகியோர் முன்னேறியுள்ளனர்.