• Fri. Nov 20th, 2026

24×7 Live News

Apdin News

பி.எஃப் பணத்தில் 90% வரை எடுக்க புதிய வசதி – என்ன மாற்றம் வருகிறது?

Byadmin

Nov 20, 2026


இபிஎஃப்ஓ, வருங்கால வைப்பு நிதி

பிரசுரிக்கப்பட்டது

வாசிக்கும் நேரம்: 3 நிமிடங்கள்

தொழிலாளர்களின் வருங்கால வைப்பு நிதி தொடர்பாகப் பல்வேறு முக்கிய முடிவுகளைதொழிலாளர் வருங்கால வைப்பு நிதி அமைப்பு எடுத்துள்ளது. இதன்படி, ஓய்வுபெறும் தொழிலாளர்கள் தங்களது பி.எஃப் கணக்கில் உள்ள முழுத் தொகையையும் ஒரே தவணையாகப் பெறுவதற்குப் பதிலாக, குறிப்பிட்ட கால இடைவெளிகளில் தவணை முறையில் பெற்றுக்கொள்ளும் புதிய வசதி அறிமுகப்படுத்தப்பட உள்ளது.

இதற்காக, இ.பி.எஃப்.ஓ-வின் மத்திய அறங்காவலர் குழு, ‘முறையான பணம் திரும்பப் பெறும் திட்டம்’ ஒன்றுக்கு ஒப்புதல் அளித்துள்ளது. இதனுடன், பி.எஃப் கணக்கில் தொடர்ந்து பராமரிக்க வேண்டிய குறைந்தபட்ச இருப்புத் தொகையின் அளவும் 25 சதவீதத்திலிருந்து 10 சதவீதமாகக் குறைக்கப்பட்டுள்ளது.

பி.எஃப் கணக்கிலிருந்து இறுதித் தொகையைத் திரும்பப் பெறுவதற்கான தகுதி கால அவகாசம் 12 மாதங்களிலிருந்து 2 மாதங்களாகக் குறைக்கப்பட்டுள்ளது.

மத்திய தொழிலாளர் மற்றும் வேலைவாய்ப்புத் துறை அமைச்சர் மான்சுக் மாண்டேவியா தலைமையில், நவம்பர் 19ஆம் தேதி நடைபெற்ற இ.பி.எஃப்.ஓ-வின் மத்திய அறங்காவலர் குழுவின் 240-வது கூட்டத்தில் இந்த முக்கிய முடிவுகள் எடுக்கப்பட்டன.

பி.எஃப் சந்தாதாரர்களுக்குக் கூடுதல் நிதி நெகிழ்வுத்தன்மையை வழங்குவதுடன், ஓய்வுக்குப் பிறகு தங்களது சேமிப்புத் தொகையைத் திட்டமிட்டுப் பயன்படுத்துவதற்கு வழிவகுக்கும் நோக்கில் இந்த மாற்றங்கள் கொண்டுவரப்பட்டுள்ளதாகத் தெரிவிக்கப்பட்டுள்ளது.

By admin