புதிய புயல்:

தற்போது நிலவும் காற்றழுத்த தாழ்வுநிலை, ஆழ்ந்த காற்றழுத்த தாழ்வுநிலையாக வலுப்பெற்று, பின்னர் புயலாக உருவாக வாய்ப்புள்ளது என அதிகாரிகள் முதலமைச்சரிடம் தெரிவித்தனர். இது நவம்பர் 2-ஆம் தேதிக்குள் மேற்கு-மத்திய வங்காள விரிகுடா பகுதியில் கடுமையான புயலாக வலுப்பெறும் என்றும், நவம்பர் 3-ஆம் தேதி காலையில் பாபட்லா அருகே கரையை கடக்கக்கூடும் என்றும் எதிர்பார்க்கப்படுகிறது.

புயல் கரையை கடக்கும் நேரத்தில் மணிக்கு 100-110 கி.மீ. வேகத்தில் காற்று வீச வாய்ப்புள்ளது என அதிகாரிகள் தெரிவித்தனர். புயல் காரணமாக, நவம்பர் 2 ஆம் தேதி தெற்கு கடலோர மற்றும் மத்திய கடலோர மாவட்டங்களில் மிதமான முதல் கனமான மழையும், ஆங்காங்கே மிக கனமான மழையும் பெய்யும் என எதிர்பார்க்கப்படுகிறது. நவம்பர் 3 மற்றும் 4 ஆம் தேதிகளில் பல பகுதிகளில் கன முதல் மிக கனமழை பெய்ய வாய்ப்புள்ளது.

ஏலூர் மாவட்டத்தில் 9, கிருஷ்ணா மாவட்டத்தில் 5, என்.டி.ஆர் மாவட்டத்தில் 5 மற்றும் பாபட்லா மாவட்டத்தில் 1 உட்பட, மிக கனமழை பெய்ய வாய்ப்புள்ள 20 மண்டலங்களை அதிகாரிகள் அடையாளம் கண்டுள்ளதாக அந்த அறிக்கையில் தெரிவிக்கப்பட்டுள்ளது.