• Tue. Nov 17th, 2026

24×7 Live News

Apdin News

மகாராஷ்டிரா: அதானி நிறுவனத்தின் ரூ.5,675 கோடி தராலி திட்டம் ரூ.56.75 கோடியாக மாறியது எப்படி? புதிய சர்ச்சை

Byadmin

Nov 17, 2026


அதானி தராலி திட்டம் அதன் செலவை புரிந்து கொண்டதாக குற்றம் சாட்டப்படுகிறது.
படக்குறிப்பு, அதானி தராலி திட்டம் அதன் செலவை புரிந்து கொண்டதாக குற்றம் சாட்டப்படுகிறது.

    • எழுதியவர், ஜான்வி முலே
    • பதவி, பிபிசி மராத்தி
  • பிரசுரிக்கப்பட்டது

  • வாசிக்கும் நேரம்: 5 நிமிடங்கள்

மகாராஷ்டிர மாநிலம், சதாராவில் உள்ள தராலி அணையில் அதானி கிரீன் நிறுவனம் மேற்கொண்டு வரும் திட்டம் தற்போது விவாதத்திற்குள்ளாகியுள்ளது. கர்ஜத்தில் உள்ள சாய்டோங்கர் திட்டத்தைப் போலவே, இங்கும் நீரேற்று மின் சேமிப்புத் திட்டம்செயல்படுத்தப்பட்டு வருகிறது.

இந்தத் திட்டத்தின் செலவு குறித்த விவரங்களை அளித்தபோது அதானி கிரீன் நிறுவனம் தவறான புள்ளிவிவரங்களைச் சமர்ப்பித்ததாக சதாராவின் கௌரவ வனவிலங்குப் பாதுகாவலர் ரோஹன் பாட்டே குற்றம்சாட்டியுள்ளார்.

இந்தத் திட்டத்தின் உண்மையான மதிப்பு ரூ.5,675 கோடி. ஆனால், நிறுவனம் தாக்கல் செய்த பிரமாணப் பத்திரத்தில் திட்டத்தின் மதிப்பு ரூ.56.75 கோடியாகக் குறிப்பிடப்பட்டுள்ளதாக அவர் கூறியுள்ளார். இது உண்மையான திட்ட மதிப்பைவிட 99 சதவீதம் குறைவாகும்.

இதன் காரணமாக, சஹ்யாத்ரி புலிகள் காப்பகத்தில் வனவிலங்குகளைப் பாதுகாப்பதற்காகச் செலுத்த வேண்டிய ரூ.227 கோடிக்குப் பதிலாக, ரூ.2.27 கோடியை மட்டுமே நிறுவனம் செலுத்த வேண்டியிருக்கும்.

இந்தக் குற்றச்சாட்டுகளை அதானி கிரீன் நிறுவனம் மறுத்துள்ளது.

By admin