0

நடிகர் கவின் – நட்சத்திர நடிகை நயன்தாரா ஆகிய இருவரும் திரையில் காதலர்களாக நடித்து வெளியான ‘ஹாய்’ திரைப்படத்திற்கு ரசிகர்கள் தொடர்ந்து பேராதரவு அளித்து, வெற்றி பெற வைத்துள்ளனர்.

இதனால் உற்சாகமடைந்த படக்குழுவினர் படத்தை வெற்றி பெறச் செய்த ரசிகர்களுக்கும் , ஊடகத்தினருக்கும் நன்றி தெரிவித்துள்ளனர்.

பாடலாசிரியர் விஷ்ணு எடவன் இயக்கத்தில் உருவாகியுள்ள ‘ஹாய்’ திரைப்படம் கடந்த மாதம் 28 ஆம் திகதி உலகம் முழுவதும் படமாளிகையில் வெளியானது.

இந்தத் திரைப்படத்தில் மறைந்த இயக்குநரும், நடிகருமான கே. பாக்யராஜ், பிரபு, ராதிகா சரத்குமார், சுகாசினி போன்ற முத்திரை பதித்த மூத்த நட்சத்திரங்கள் நடித்திருந்தனர்.

இவர்களுடன் இந்த தலைமுறைக்கான நட்சத்திர நடிகராக திகழும் கவின் மற்றும் நயன்தாரா ஆகியோர் அழுத்தமான வேடத்தில் நடித்திருந்தனர். ரொமாண்டிக் என்டர்டெய்னராக தயாரான இந்த திரைப்படத்தை ஜீ ஸ்டுடியோஸ் தி ரவுடி பிக்சர்ஸ் செவன் ஸ்கிரீன் ஸ்டுடியோ ஆகிய நிறுவனங்கள் இணைந்து தயாரித்தது.

இந்தப் படத்திற்கு ரசிகர்கள் மத்தியில் கிடைத்து வரும் வரவேற்பினால் மகிழ்ச்சியடைந்த இயக்குநர் விஷ்ணு எடவன் நன்றி தெரிவித்து பேசுகையில், ”பாடலாசிரியராக நான் அறிமுகமாகி இருந்தாலும் இயக்குநராக இதுதான் எம்முடைய முதல் மேடை. இந்த மேடையை உருவாக்கிய அனைவருக்கும் நன்றி.

இந்தப் படம் எமக்கு மட்டும் கிடைத்த வெற்றி அல்ல. என் மீது நம்பிக்கை வைத்து இந்த பயணத்தில் இணைந்த ஒவ்வொருவருக்கும் கிடைத்த வெற்றி” என்றார்.