“நீங்கள் என்னை கசப்பானவராக அல்ல, சிறந்தவராக மாற வேண்டும் என்று ஊக்கப்படுத்தியுள்ளீர்கள்” என்றும் அவர் கூறியுள்ளார்.

தனக்காக நடத்தப்பட்ட ஆன்லைன் நிதி திரட்டும் முயற்சி நிறுத்தப்படுவதாகவும் அவர் தெரிவித்துள்ளார்.

திரட்டப்பட்ட பணம், வீட்டிலேயே இருந்து உடல்நலம் தேறுவதற்கும், “எதிர்காலத்தில் மேற்கொள்ள வேண்டிய மருத்துவ சிகிச்சைகளுக்கான வாய்ப்புகளைப் பெறுவதற்கும் உதவும்” என்றும் அவர் கூறினார்.

“எனக்கு உடல்நலம் முழுமையாக தேறுவதற்கு இன்னும் நீண்ட காலம் ஆகும். ஆனால், எனது உடல்நிலையில் குறிப்பிடத்தக்க முன்னேற்றம் ஏற்பட்டுள்ளது. உலகம் முழுவதிலிருந்தும் எனது குடும்பத்தையும் என்னையும் சூழ்ந்துள்ள அன்பு, ஆதரவு, பிரார்த்தனைகள் மற்றும் ஊக்கமே இதற்கு முக்கிய காரணம்” என்று அவர் தெரிவித்துள்ளார்.

இந்த ஆண்டு ஆஸ்திரேலியாவில் தொடர்ச்சியாக சுறா தாக்குதல்கள் நடந்துள்ளன. ஜனவரி மாதத்தில் இரண்டு நாட்களில் நான்கு சுறா தாக்குதல்கள் நிகழ்ந்தன . இதில், 12 வயது சிறுவன் ஒருவன் தாக்கப்பட்டு, பின்னர் அதில் ஏற்பட்ட காயங்களால் உயிரிழந்தான்.

மே மாதம், குயின்ஸ்லாந்தில் மீன்பிடித்துக் கொண்டிருந்த ஒருவரை சுறா தாக்கியதில் அவர் உயிரிழந்தார். மேற்கு ஆஸ்திரேலியாவில், 4 மீட்டர் (13 அடி) நீளமுள்ள சுறா தாக்கியதில் இரண்டு குழந்தைகளுக்குத் தந்தையான ஒருவர் உயிரிழந்தார்.

– இது, பிபிசிக்காக கலெக்டிவ் நியூஸ்ரூம் வெளியீடு