0

இங்கிலாந்தின் தனியார் வாடகை துறையில் பல தலைமுறைகளுக்குப் பிறகு கொண்டுவரப்பட்ட மிக முக்கியமான சட்ட மாற்றங்களில் ஒன்றாக “Renters’ Rights Act 2025” அமைந்துள்ளது. இந்தச் சட்டம், வீட்டு உரிமையாளர்கள் மற்றும் வாடகையாளர்களுக்கு இடையில் நியாயமான சமநிலையை உருவாக்குவதற்காக அறிமுகப்படுத்தப்பட்டுள்ளது.

இது வாடகையாளர்களுக்கு அதிக பாதுகாப்பை வழங்குவதோடு, பொறுப்புள்ள வீட்டு உரிமையாளர்கள் தங்களது சொத்துகளை திறம்பட நிர்வகிக்கும் உரிமையையும் பாதுகாக்கிறது. இந்த புதிய சட்டம் அமலுக்கு வரும் நிலையில், வீட்டு உரிமையாளர்களும் வாடகையாளர்களும் முக்கிய மாற்றங்களைப் புரிந்துகொண்டு தேவையான இடங்களில் முன்கூட்டியே சட்ட ஆலோசனை பெறுவது அவசியமாகிறது.

இந்தச் சட்டத்தின் மிக முக்கியமான மாற்றங்களில் ஒன்று Section 21 “no-fault” வெளியேற்ற நடைமுறையின் நீக்கமாகும். முன்பு, வீட்டு உரிமையாளர்கள் சரியான அறிவிப்பு நடைமுறைகளை பின்பற்றினால், குறிப்பிட்ட காரணம் இன்றி சொத்தை மீட்டெடுக்க முடிந்தது.

ஆனால் புதிய சட்டத்தின் கீழ், வீட்டு உரிமையாளர்கள் சட்டத்தில் அங்கீகரிக்கப்பட்ட காரணங்களின் அடிப்படையிலேயே சொத்தை மீட்க முடியும். உதாரணமாக, வாடகை பாக்கி, சமூக விரோத நடத்தை, வாடகை ஒப்பந்த விதிமுறைகளை மீறுதல், சொத்தை விற்கும் நோக்கம் அல்லது வீட்டு உரிமையாளர் தாமே குடியேற வேண்டிய உண்மையான தேவைகள் போன்றவை காரணங்களாக இருக்கலாம். இதனால், வீட்டு உரிமையாளர்கள் துல்லியமான பதிவுகளை பராமரித்து, சொத்தை மீட்கும் கோரிக்கைகளுக்கு ஆதாரங்களை வழங்க வேண்டிய அவசியம் அதிகரிக்கிறது. அதே நேரத்தில், வாடகையாளர்களுக்கு காரணமின்றி வீடிழக்கும் அபாயம் குறைகிறது.

மேலும், இந்தச் சட்டம் பெரும்பாலான fixed-term assured short hold tenancy ஒப்பந்தங்களை நீக்கி, அவற்றை periodic tenancy முறையால் மாற்றுகிறது. இதன் பொருள், சட்டப்படி இரு தரப்பினரும் ஒப்பந்தத்தை முடிக்காத வரை, tenancy தொடர்ச்சியான முறையில் இயங்கும். வாடகையாளர்கள் இனி fixed-term முடிவடைய காத்திருக்காமல், தேவையான அறிவிப்பை வழங்கி tenancy-யை முடிக்க முடியும்.

அதேசமயம், வீட்டு உரிமையாளர்கள் fixed-term முடிவில் தானாகவே சொத்தை மீட்க முடியாது; அவர்கள் statutory grounds அடிப்படையில் மட்டுமே நடவடிக்கை எடுக்க வேண்டும். இது வீட்டு உரிமையாளர்களுக்கும் வாடகையாளர்களுக்கும் இடையிலான உறவில் அடிப்படை மாற்றத்தை உருவாக்குகிறது.

வாடகை உயர்வுகள் தொடர்பாகவும் இந்தச் சட்டம் கடுமையான விதிமுறைகளை அறிமுகப்படுத்துகிறது. பொதுவாக, வருடத்திற்கு ஒருமுறை மட்டுமே சட்டப்படி நிர்ணயிக்கப்பட்ட நடைமுறையின் கீழ் வாடகையை உயர்த்த முடியும். மேலும், அதிகப்படியான உயர்வுகளை எதிர்த்து வாடகையாளர்கள் tribunal-இல் முறையிடும் உரிமையையும் பெறுகின்றனர்.

எனவே, வீட்டு உரிமையாளர்கள் சந்தை நிலவரத்துக்கு ஏற்ப நியாயமான உயர்வுகளை மட்டுமே முன்மொழிய வேண்டும். வாடகையாளர்களும் தங்களுக்கு அநியாயமாகத் தோன்றும் உயர்வுகளை எதிர்க்கும் உரிமையைப் புரிந்துகொள்ள வேண்டும்.

இந்தச் சட்டம் வாடகை துறையில் நிலவி வந்த பாகுபாடுகளையும் குறைக்க முயல்கிறது. குறிப்பாக குழந்தைகள் உள்ள குடும்பங்கள் மற்றும் அரச நலனுதவி பெறும் நபர்கள் பல ஆண்டுகளாக வீடு பெறுவதில் சிரமங்களை சந்தித்து வந்தனர். சில வீட்டு உரிமையாளர்கள் மற்றும் letting agents blanket restrictions விதித்திருந்தனர். புதிய சட்டம் இத்தகைய அநியாயமான தடைகளைத் தடுக்கவும், அனைவருக்கும் சம வாய்ப்பை ஊக்குவிக்கவும் முயல்கிறது. வீட்டு உரிமையாளர்கள் affordability மற்றும் suitability ஆகியவற்றை தனிப்பட்ட அடிப்படையில் மதிப்பிடலாம்; ஆனால் அவர்கள் பாகுபாடு எதிர்ப்பு சட்டங்களையும் புதிய விதிமுறைகளையும் கடைப்பிடிக்க வேண்டும்.

மேலும் அதிக கவனத்தை ஈர்த்துள்ள மற்றொரு மாற்றம், வாடகையாளர்கள் செல்லப்பிராணிகளை வைத்திருக்க அதிக உரிமை பெறுவதாகும். இந்தச் சட்டத்தின் கீழ், வாடகையாளர்கள் செல்லப்பிராணிகளை வைத்திருக்க அனுமதி கோரலாம்; வீட்டு உரிமையாளர்கள் காரணமின்றி அதை நிராகரிக்க முடியாது. தேவையான சூழ்நிலைகளில் நியாயமான நிபந்தனைகளை விதிக்கும் உரிமை வீட்டு உரிமையாளர்களுக்கு இருந்தாலும், இப்போது சட்டம் செல்லப்பிராணி வளர்ப்பை ஆதரிக்கும் நிலைப்பாட்டை எடுத்துள்ளது.

2026 மே 1 முதல், புதிய assured tenancy வழங்கும் வீட்டு உரிமையாளர்கள் tenancy ஒப்பந்தம் கையெழுத்திடப்படுவதற்கு முன், tenancy தொடர்பான முக்கிய தகவல்களை எழுத்து வடிவில் வழங்க வேண்டும். இதில் வீட்டு உரிமையாளரின் தொடர்பு முகவரி, வாடகை மற்றும் கட்டண விவரங்கள், deposit தகவல், notice விதிமுறைகள், repair பொறுப்புகள், பாதுகாப்பு கடமைகள் மற்றும் முக்கிய tenant உரிமைகள் ஆகியவை இடம்பெற வேண்டும்.

2026 மே 1 க்கு முன் வாய்மொழி ஒப்பந்தங்களின் அடிப்படையில் உருவாக்கப்பட்ட tenancy-களுக்கு, வீட்டு உரிமையாளர்கள் 2026 மே 31க்குள் இந்த எழுத்து தகவல்களை வழங்க வேண்டும். ஏற்கனவே எழுத்து tenancy agreement உள்ள tenancy-களுக்கு, prescribed tenancy information வழங்க வேண்டிய அவசியமில்லை; அதற்குப் பதிலாக “Renters’ Rights Act Information Sheet 2026” வழங்கப்பட வேண்டும். இந்த விதிமுறைகளை மீறினால் £7,000 வரை அபராதம் விதிக்கப்படலாம்.

இந்தச் சட்டம் தனியார் வாடகை துறையின் தரநிலைகளை மேம்படுத்தவும் நோக்கம்கொண்டுள்ளது. வீடுகள் பாதுகாப்பானவையாகவும், சரியான பராமரிப்புடன் இருப்பதையும், ஈரப்பதம் மற்றும் பூஞ்சை போன்ற ஆபத்துகளின்றி இருப்பதையும் உறுதி செய்ய வீட்டு உரிமையாளர்கள் அதிக கவனத்துடன் செயல்பட வேண்டும். உள்ளூராட்சி அமைப்புகளுக்கு கூடுதல் அதிகாரங்கள் வழங்கப்படவுள்ளதால், விதிமுறைகளை மீறும் வீட்டு உரிமையாளர்கள் அபராதங்கள் மற்றும் பிற சட்ட நடவடிக்கைகளை எதிர்கொள்ள நேரிடலாம்.

மேலும் வெளிப்படைத்தன்மை மற்றும் பொறுப்புணர்வை மேம்படுத்துவதற்காக, கட்டாய landlord redress scheme மற்றும் தேசிய landlord database அறிமுகப்படுத்தப்படுகின்றன. இது வாடகையாளர்களுக்கு புகார்கள் மற்றும் தகராறுகளை தீர்க்க எளிய வழியை வழங்குவதோடு, துறையின் தரத்தையும் உயர்த்தும்.

நடைமுறை ரீதியாக, வீட்டு உரிமையாளர்கள் tenancy agreements, possession procedures மற்றும் property management நடைமுறைகளை மறுபரிசீலனை செய்ய வேண்டும். அனைத்து ஆவணங்களும் புதுப்பிக்கப்பட்டுள்ளதாக உறுதி செய்து, வாடகை கட்டணங்கள் மற்றும் தொடர்பாடல்களின் விரிவான பதிவுகளை பராமரிக்க வேண்டும். சொத்தை மீட்கும் நடவடிக்கைகளை ஆரம்பிப்பதற்கு முன் சட்ட ஆலோசனை பெறுவது மிகவும் அவசியமாக இருக்கலாம்.

வாடகையாளர்களும் தங்களது உரிமைகள் மற்றும் பொறுப்புகளை நன்கு புரிந்துகொள்ள வேண்டும். இந்தச் சட்டம் அதிக பாதுகாப்பை வழங்கினாலும், வாடகையை நேரத்தில் செலுத்துதல், tenancy விதிமுறைகளைப் பின்பற்றுதல் மற்றும் சொத்தை நியாயமான முறையில் பராமரித்தல் ஆகிய பொறுப்புகள் தொடர்ந்து அவர்களுக்கே உட்பட்டவை. வீட்டு உரிமையாளர்களுடன் திறந்த தொடர்பை பேணுவதும், முக்கியமான தொடர்புகளின் எழுத்து பதிவுகளை வைத்திருப்பதும் தகராறுகளைத் தவிர்க்க உதவும்.

Renters’ Rights Act 2025 என்பது வீட்டு வசதி சட்ட வரலாற்றில் ஒரு முக்கிய மைல்கல்லாகும். இது பாதுகாப்பான, வெளிப்படையான மற்றும் தொழில்முறை தனியார் வாடகை துறையை உருவாக்கும் அரசின் நோக்கத்தை பிரதிபலிக்கிறது. இந்தச் சட்டம் வாடகையாளர்களுக்கு அதிக பாதுகாப்பை வழங்குவதோடு, பொறுப்புள்ள வீட்டு உரிமையாளர்களையும் ஆதரிக்கிறது. எந்த பெரிய சட்ட மாற்றத்தையும் போல, இதன் வெற்றிகரமான அமலாக்கத்திற்கு விழிப்புணர்வு, விதிமுறைகள் கடைபிடித்தல் மற்றும் இரு தரப்பினரிடையேயும் சட்டப் பொறுப்புகளை மதிக்கும் மனப்பான்மை மிகவும் முக்கியமானவை.

இந்தக் கட்டுரை Renters’ Rights Act 2025 தொடர்பான பொதுவான தகவல்களை வழங்குவதற்காக மட்டுமே உருவாக்கப்பட்டுள்ளது; இது சட்ட ஆலோசனையாக கருதப்படக்கூடாது. இந்த மாற்றங்கள் உங்களை எவ்வாறு பாதிக்கக்கூடும் என்பதைப் பற்றி ஆலோசனை தேவைப்பட்டால், தயவுசெய்து எங்களது Housing Department-ஐ தொடர்புகொள்ளவும்.

David Benson Solicitors
தொலைபேசி – 020 8540 8888
மின்னஞ்சல் – [email protected]

டேவிட் மரியாம்பிள்ளை