• Wed. Nov 18th, 2026

24×7 Live News

Apdin News

வாயேஜர் 1: வேற்றுகிரகவாசிகள் நம்மை பற்றி ‘இப்படித்தான்’ தெரிந்துகொள்ளக்கூடும்

Byadmin

Nov 18, 2026


'2,600 கோடி கிலோமீட்டர்' - பூமியில் இருந்து ஓர் 'ஒளி நாளைக்' கடந்து பயணிக்கும் வாயேஜர் 1

பிரசுரிக்கப்பட்டது

வாசிக்கும் நேரம்: 4 நிமிடங்கள்

2600 கோடி கிலோமீட்டர். பூமியைச் சுற்றி சுமார் 6.49 லட்சம் முறை நீங்கள் பயணித்தால் அடையக்கூடிய தூரம் இது. ஆனால் இந்த தூரத்தை மனிதர்கள் யாரும் பயணிக்கவில்லை.

பூமியில் இருந்து சென்ற விண்கலம் ஒன்று சரியாக நவம்பர் 18-ஆம் தேதி இந்திய நேரப்படி சரியாக மாலை 03:46 மணிக்கு இந்த தூரத்தைக் கடக்கிறது.

ஒரு குழந்தையின் அழுகை, தாயின் கொஞ்சல், டிராக்டர் சத்தம், மோர்ஸ் கோடின் ஒலித் துணுக்குகள், காற்று மற்றும் மழையின் சத்தம், சிம்பான்ஸி குரங்கு எழுப்பும் ஒலி, இதயத் துடிப்பு மற்றும் மனிதனின் சிரிக்கும் சத்தம் உள்ளிட்ட பல ஒளித் துணுக்குகள் அடங்கிய ‘கோல்டன் ரெகார்டை’ வாயேஜர் 1 விண்கலம் சுமந்து செல்கிறது.

கோல்டன் ரெகார்டில் வேறு என்ன உள்ளது?

'2,600 கோடி கிலோமீட்டர்' - பூமியில் இருந்து ஓர் 'ஒளி நாளைக்' கடந்து பயணிக்கும் வாயேஜர் 1

அதில் 55 மொழிகளில் வாழ்த்துகள், பூமியில் நிலவும் வாழ்வியலைப் பிரதிபலிக்கும் 35 ஒலிகள் மற்றும் மொஸார்ட், பாக் முதல் சக் பெர்ரி, பிளைண்ட் வில்லி ஜான்சன் வரையிலான கலைஞர்களின் இசை என மொத்தம் 90 நிமிட இசைத் தொகுப்பு ஆகியவை இடம்பெற்றுள்ளன.

இதில் ‘ஜாட் கஹான் ஹோ’ என்கிற இந்தியப் பாடலும் இடம்பெற்றுள்ளது.

By admin