• Thu. Nov 19th, 2026

24×7 Live News

Apdin News

வி.எஸ்.பாபு: ஸ்டாலினைத் தோற்கடித்தவர், திமுகவில் இருந்து தவெகவுக்கு வந்தது எப்படி?

Byadmin

Nov 19, 2026


நவம்பர் 18 ஆம் தேதி கொளத்தூர் தொகுதிக்குட்பட்ட செம்பியம் பகுதியைச் சேர்ந்த ஜி.தேவராஜன் என்பவர் சென்னை உயர் நீதிமன்றத்தில் மனு ஒன்றைத் தாக்கல் செய்தார்.

    • எழுதியவர், விஜயானந்த் ஆறுமுகம்
    • பதவி, பிபிசி தமிழ்
  • பிரசுரிக்கப்பட்டது

  • வாசிக்கும் நேரம்: 4 நிமிடங்கள்

“என்னை வைத்து தி.மு.க தலைவர் (2011 சட்டப்பேரவைத் தேர்தல்) வெற்றி பெற்றார். தற்போது நான் அவரை வெற்றி பெற்றுவிட்டேன். இதைப் பெரிய வெற்றியாகக் கருதவில்லை.” – கொளத்தூர் தொகுதியில் மு.க.ஸ்டாலினை எதிர்த்து வெற்றி பெற்றது குறித்து த.வெ.க சட்டப்பேரவை உறுப்பினர் வி.எஸ்.பாபு இவ்வாறு கூறினார்.

சுவாச பிரச்னை காரணமாக கடந்த செப்டம்பர் மாதம் தனியார் மருத்துவமனையில் அனுமதிக்கப்பட்ட அவர், சுமார் 70 நாட்களுக்குப் பிறகு காலமாகிவிட்டதாக மருத்துவமனை நிர்வாகம் அறிவித்துள்ளது. அவருக்கு வயது 75.

நீண்டகால சுவாச பாதிப்பு காரணமாக தீவிர சிகிச்சைப் பிரிவில் வி.எஸ்.பாபு சிகிச்சை பெற்று வந்ததாக, மருத்துவமனை நிர்வாகம் தெரிவித்துள்ளது.

வடசென்னையில் தி.மு.கவின் முகமாக அறியப்பட்ட வி.எஸ்.பாபு, பெரம்பூரில் வசித்து வந்தார். தான் எட்டாம் வகுப்பு வரை படித்துள்ளதாக, கடந்த ஏப்ரல் மாதம் தேர்தல் ஆணையத்தில் தாக்கல் செய்யப்பட்ட பிரமாணப் பத்திரத்தில் அவர் தெரிவித்துள்ளார்.

‘தன் மீது எந்தக் குற்ற வழக்குகளும் நிலுவையில் இல்லை’ எனவும் பிரமாணப் பத்திரத்தில் வி.எஸ்.பாபு கூறியுள்ளார்.

By admin