കൊച്ചി: ആദ്യമായി ജയറാമും സിമ്രാനും നായകനും നായികയുമായി ഒന്നിക്കുന്ന റൊമാന്റിക് കോമഡി തമിഴില് ഒരുങ്ങുന്നു. ഇതിന് മുന്പ് ജയറാമും സിമ്രാനും അഭിനയിച്ചിട്ടുണ്ട്. അത് കമല്ഹാസൻ ചിത്രമായ പഞ്ചതന്ത്രം ആയിരുന്നു. എന്നാല് ചിത്രത്തില് ജയറാമിന്റെ നായിക ഉർവശിയും കമല്ഹാസിന്റെ നായിക സി മ്രാനും ആയിരുന്നു.
കുടുംബ കഥ പശ്ചാത്തലമാക്കി ഒരുങ്ങുന്ന ഈ സിനിമയുടെ പൂജ നടന്നു. എസ്.വൈ. ഗൗതമരാജ് സംവിധാനം ചെയ്യുന്ന ചിത്രം തൊണ്ണൂറുകളിലെയും ടു കെയിലെയും ജെൻസികളെയും ഒന്നിപ്പിക്കുന്ന രസകരമായ സിനിമയാണെന്ന് അണിയറയിലുള്ളവര് അവകാശപ്പെടുന്നു. ചിത്രം വൈറ്റ് കാർപെറ്റ് ഫിലിംസും റെഡാക്ടഡ് സ്റ്റുഡിയോസും ചേർന്നാണ് നിർമ്മാണം.
നടൻ ആര്യയുടെ ദ ഷോ പീപ്പിള് ആണ് ചിത്രം അവതരിപ്പിക്കുന്നത്. .അതേസമയം അന്യഭാഷകളില് സജീവമാണ് ജയറാം. പരിമള ആന്റ് കോയ്ക്കുശേഷം തമിഴില് ജയറാം നായകനാവുന്ന ചിത്രമാണിത്.